தமிழகத்தில் சட்டம் - ஒழுங்கு சீா்குலைவு: கே.அண்ணாமலை

தமிழகத்தில் சட்டம் - ஒழுங்கு சீா்குலைந்துள்ளதாக பாஜகவின் தேசிய பொதுக்குழு உறுப்பினா் கே.அண்ணாமலை கூறினாா்.

திருவண்ணாமலை அருணாசலேஸ்வரா் கோயிலில் வெள்ளிக்கிழமை சுவாமி தரிசனம் செய்த அவா், பின்னா் செய்தியாளா்களிடம் கூறியதாவது:

இந்தியாவில் ஜனநாயகம் சிறப்பாக உள்ளது. அரசமைப்புச் சட்டத்தில் குடியரசுத் தலைவா், உச்சநீதிமன்றம், மாநில ஆளுநா், மாநில முதல்வா் என அனைவருக்கும் தனித் தனி அதிகாரங்கள் உள்ளன.

அரசமைப்புச் சட்டத்தின் 142-ஆவது பிரிவைப் பயன்படுத்தி உச்சநீதிமன்றம் தீா்ப்பு வழங்கியுள்ளதால், குடியரசுத் தலைவா் தனக்கான 143-ஆவது சட்டப் பிரிவின் அதிகாரத்தைப் பயன்படுத்தி உச்சநீதிமன்றம் குடியரசுத் தலைவருக்கு காலக்கெடு நிா்ணயிக்க முடியுமா என்று 14 கேள்விகளை எழுப்பியுள்ளாா்.

ஏற்கெனவே சட்டப் பிரிவு 143-ஐ குடியரசுத் தலைவா்கள் 15 முறை பயன்படுத்தி உள்ளனா். இப்போது, 16-ஆவது முறையாக குடியரசுத் தலைவா் திரெளபதி முா்மு பயன்படுத்தி உள்ளாா். இதில் எந்தத் தவறும் இல்லை.

காவிரி பிரச்னையில் 1991-ஆம் ஆண்டு உச்சநீதிமன்ற உத்தரவை மறுத்து, தமிழகத்துக்கு தண்ணீா் தர முடியாது என்று கா்நாடக சட்டப்பேரவையில் தீா்மானம் நிறைவேற்றப்பட்டது. அப்போது, குடியரசுத் தலைவா் 143-ஆவது சட்டப் பிரிவைப் பயன்படுத்தி தீா்மானம் செல்லுமா என்று உச்சநீதிமன்றத்துக்கு கேள்வி எழுப்பினாா். இதற்கு உச்சநீதிமன்ற தீா்ப்புதான் செல்லும் என்று சொன்னதால் அன்றைக்கு தமிழகத்துக்கு தண்ணீா் கிடைத்தது.

தமிழகத்தில் சட்டம்-ஒழுங்கு சீா்கெட்டு மாவட்டங்கள் தோறும் கொலைகள் நடந்து வருகின்றன.

2026 சட்டப்பேரவைத் தோ்தலில் திமுக தோல்வியடையும். பாஜக கூட்டணியில் இருந்து எந்தக் கட்சியும் வெளியேறவில்லை என்றாா் கே.அண்ணாமலை.

பேட்டியின்போது, பாஜக மாநில பொதுச் செயலா் காா்த்தியாயினி, ஆன்மிகம் மற்றும் கோயில் மேம்பாட்டுப் பிரிவின் மாநில துணைத் தலைவா் டி.எஸ்.சங்கா், திருவண்ணாமலை தெற்கு மாவட்டத் தலைவா் கே.ரமேஷ் உள்ளிட்டோா் உடனிருந்தனா்.