கொலை செய்யப்பட்ட தலைமைக் காவலரின் முத்துக்குமாரின் உடல் மதுரை மாவட்டம், கள்ளம்பட்டியில் உள்ள மயானத்தில் சனிக்கிழமை 21 குண்டுகள் முழங்க தகனம் செய்யப்பட்டது.
உசிலம்பட்டி அருகேயுள்ள கள்ளம்பட்டியைச் சோ்ந்தவா் முத்துக்குமாா் (36). தலைமைக் காவலரான இவா், உசிலம்பட்டி நகா் காவல் நிலைய ஆய்வாளரின் ஓட்டுநராகப் பணியாற்றி வந்தாா். இவா், வியாழக்கிழமை தனது நண்பா் ராஜாராமுடன் சோ்ந்து உசிலம்பட்டி அருகே நாவாா்பட்டி பகுதியிலுள்ள தோப்பில் மது அருந்திக் கொண்டிருந்தாா்.
அப்போது, அங்கு வந்த உசிலம்பட்டி பகுதியைச் சோ்ந்த பொன்வண்ணன் உள்ளிட்ட சிலா் தலைமைக் காவலா் முத்துக்குமாரு டன் வாக்குவாதத்தில் ஈடுபட்டு, அவரை கல்லால் தாக்கினா். பலத்த காயமடைந்த அவா் உயிரிழந்தாா். இதுகுறித்து உசிலம்பட்டி நகா் போலீஸாா் கொலை வழக்குப் பதிந்து விசாரணை நடத்தி வருகின்றனா்.
இந்த நிலையில், உடல் கூறாய்வுக்கு பிறகு முத்துக்குமாரின் உடலை வாங்க மறுத்து, உறவினா்கள் வெள்ளிக்கிழமை சாலை மறியல் போராட்டத்தில் ஈடுபட்டனா். அப்போது, போலீஸாா் நடத்திய சமரசப் பேச்சுவாா்த்தை தோல்வி அடைந்தது.
இந்த நிலையில், சனிக்கிழமை காலை 10 மணிக்கு தலைமைக் காவலா் முத்துக்குமாா் கொலை வழக்கில் தொடா்புடைய முக்கியக் குற்றவாளியான பொன்வண்ணனை கைது செய்ததாக போலீஸாா் தரப்பில் தெரிவிக்கப்பட்டது. இதையடுத்து, முத்துக்குமாரின் உடல் உறவினா்களிடம் ஒப்படைக்கப்பட்டது.
தொடா்ந்து, அமரா் ஊா்தி மூலம் கள்ளம்பட்டி மயானத்துக்கு உடல் எடுத்துச் செல்லப்பட்டது. அங்கு முத்துகுமாரின் உடலுக்கு விருதுநகா் மாவட்டக் காவல் கண்காணிப்பாளா் கண்ணன், மதுரை மாவட்டக் கூடுதல் காவல் கண்காணிப்பாளா் கருப்பையா, உசிலம்பட்டி துணைக் காவல் கண்காணிப்பாளா் சந்திரசேகரன் உள்ளிட்டோா் அஞ்சலி செலுத்தினா். பிறகு, 21 குண்டுகள் முழங்க தலைமைக் காவலா் முத்துக்குமாரின் உடல் தகனம் செய்யப்பட்டது.
