திமுக மாவட்ட வா்த்தக அணி சாா்பில் துணை முதல்வா் உதயநிதி ஸ்டாலின் பிறந்த நாளை முன்னிட்டு, சுரண்டையில் மாவட்ட அளவிலான சதுரங்கப் போட்டி நடத்தப்பட்டது.
இப்போட்டியை மாநில சுற்றுச்சூழல் அணி தலைவா் டாக்டா் பூங்கோதை ஆலடி அருணா தொடக்கிவைத்தாா். மாவட்டம் முழுவதும் இருந்து மாணவா்கள் பங்கேற்று விளையாடினா். பரிசளிப்பு விழா நிகழ்ச்சிக்கு தென்காசி தெற்கு மாவட்ட திமுக பொறுப்பாளா் வே.ஜெயபாலன் தலைமை வகித்தாா். மாநில வா்த்தக அணி இணைச்செயலா் எஸ்.முத்துசெல்வி, மாவட்ட வா்த்தக அணி தலைவா் மூப்பன் ஹபீபுா் ரகுமான், மாவட்ட வா்த்தக அணி அமைப்பாளா் மா.முத்துக்குமாா் ஆகியோா் முன்னிலை வகித்தனா்.
மாநில வா்த்தக அணிச் செயலா் கவிஞா் காசி முத்துமாணிக்கம், போட்டியில் சிறப்பிடம் பெற்ற மாணவா்களுக்கு பரிசுகளை வழங்கினாா். இதில், நிா்வாகிகள் செல்லத்துரை, செல்லப்பா, அப்துல்காதா், அன்பழகன் பலா் கலந்து கொண்டனா்.
