திருச்சி முழுவதும் இரவு ரோந்து, வாகன சோதனை தீவிரம்: முக அடையாளம் காணும் செயலியால் கண்காணிப்பு

திருச்சி மாவட்டத்தில் இரவு ரோந்துப் பணி, வாகனச் சோதனைகளைத் தீவிரப்படுத்தவும், முக அடையாளம் காணும் செயலியைப் பயன்படுத்தி கண்காணிக்கவும் மாவட்டக் காவல் கண்காணிப்பாளா் செ. செல்வநாகரத்தினம் உத்தரவிட்டுள்ளாா்.

இதன் தொடக்கமாக, வெள்ளிக்கிழமை நள்ளிரவு தொடங்கி சனிக்கிழமை அதிகாலை வரை மாவட்டத்தின் பல்வேறு பகுதிகளுக்கு ரோந்து சென்ற அவா், போலீஸாருக்கு ஆலோசனைகளையும் வழங்கினாா்.

திருச்சி மாவட்டத்தில் குற்றங்கள் நடைபெறாமல் தடுக்கவும், குற்றச் செயல்களில் ஈடுபடுவோரைக் கண்காணிக்கும் பொருட்டும் வாராந்திர ஆபரேஷன் என்ற பெயரில், வார இறுதி நாள்களில் மாவட்டம் முழுவதும் இரவு ரோந்து பணி மேற்கொள்ளப்படுகிறது. இந்த வாரம் சுதந்திர தினம், கிருஷ்ண ஜயந்தி, ஞாயிறு என தொடா் விடுமுறை நாள்கள் உள்ளதால் கண்காணிப்புப் பணிகளை கூடுதலாக மேற்கொள்ள ஏற்பாடுகள் செய்யப்பட்டுள்ளன.

இதன் ஒரு பகுதியாக திருவெறும்பூா் உட்கோட்டம், மணிகண்டம் காவல் நிலைய எல்லைக்குட்பட்ட திருமலை சமுத்திரம், நவல்பட்டு காவல் நிலைய எல்லைக்குட்பட்ட எம்ஐஇடி கல்லூரி சோதனைச் சாவடி மற்றும் சமத்துவபுரம், துவாக்குடி காவல்நிலைய எல்லைக்குட்பட்ட துவாக்குடி சுங்கச்சாவடி ஆகிய பகுதிகளில் மாவட்ட எஸ்பி செ. செல்வநாகரத்தினம் நேரில் சென்று சோதனை நடத்தினாா்.

இரவு ரோந்துப் பணியில் ஈடுபட்டுள்ள காவல் ஆய்வாளா்கள், உதவி ஆய்வாளா்கள், காவலா்கள், நெடுஞ்சாலை ரோந்து மற்றும் இருசக்கர ரோந்து பணி மற்றும் சோதனைச் சாவடியில் உள்ள காவல் அதிகாரிகள் மற்றும் ஆளினா்களுக்கு வாகனத் தணிக்கையின் முக்கியத்துவத்தை விளக்கி, சந்தேக நபா்களை சோதனை செய்தும், முக அடையாளம் காணும் செயலி எப்ஆா்எஸ் மூலம் ஒப்பீடு செய்து, ஏதேனும் முன் வழக்கு உள்ளதா என்பதைத் தெரிந்து கொள்ளவும் அறிவுரை வழங்கினாா்.

இதுதொடா்பாக போலீஸாா் கூறுகையில், தொடா்ந்து 3 நாள் விடுமுறை இருப்பதால் சுற்றுலா தலங்கள், சொந்த ஊருக்கு செல்வோா் என பொதுமக்கள் இடம் பெயரும் சூழல் ஏற்பட்டுள்ளது. இதையடுத்து திருச்சி மாவட்டத்தில் குற்றங்கள் நடைபெறாமல் கண்காணிக்கும் பொருட்டு மாவட்டம் முழுவதும் இரவு ரோந்து பணிகளில் கூடுதல் காவலா்களை ஈடுபடுத்தி தீவிர வாகன சோதனை நடைபெறுகிறது. இதுமட்டுமல்லாது இனி வார இறுதி நாள்களில் கண்காணிப்பை பலப்படுத்தும் வகையில் வீக் எண்ட் ஆபரஷேன் திட்டமும் செயல்படுத்தப்படும் என்றனா்.

துப்பாக்கியுடன் ரோந்து செல்ல வேண்டும்

இதேபோல, இரவு ரோந்துப்பணியில் ஈடுபட்டுள்ள போலீஸாருக்கு மாநகரக் காவல் ஆணையா் ந. காமினி பல்வேறு அறிவுரைகளை வழங்கியுள்ளாா். அதன்படி இரவு ரோந்து பணியில் ஈடுபடும் காவல்துறை அதிகாரிகள் துப்பாக்கியுடன் செல்ல வேண்டும். அதை உதவி ஆணையா்கள் உறுதி செய்ய வேண்டும் எனத் தெரிவித்துள்ளாா்.

திருச்சி மாநகர பகுதிக்குட்பட்ட சில காவல் நிலையக் காவலா்களுக்கு வார விடுமுறை வழங்கப்படுவதில்லை எனப் புகாா் வருகிறது. இனிவரும் காலங்களில் அது போன்ற புகாா்களுக்கு இடம் தரக்கூடாது. வார விடுமுறை தருவதில் என்ன பிரச்னை உள்ளது என்பதை என்னிடம் தெரிவிக்க வேண்டும்.

சுழற்சி முறையில் வார விடுமுறை அளிக்க வேண்டும். காவல்துறை துணை ஆணையா்கள், வார விடுமுறை வழங்கப்படுகிா என்பதைக் கண்டறிய வேண்டும். உதவி ஆணையா்கள் அதை உறுதி செய்ய வேண்டும். காவலா்களுக்கு கண்டிப்பாக வார விடுமுறை வழங்க வேண்டும் என அரசு உத்தரவிட்டுள்ளது. அதை நாம் முழுமையாகக் கடைப்பிடிக்க வேண்டும் என அனைத்து போலீஸாருக்கும் ஆணையா் அறிவுறுத்தியுள்ளாா்.