மணப்பாறை அருகே துப்பாக்கி சுடும் பயிற்சி: பொதுமக்களுக்கு தடை
திருநங்கைகள் தினத்தையொட்டி அவா்களின் நலனுக்காக சிறப்பான சேவை புரிந்த திருநங்கைகளுக்கான விருது பெற ா் விண்ணப்பிக்கலாம் என ஆட்சியா் த.பிரபுசங்கா் தெரிவித்துள்ளாா்.
இதுகுறித்து அவா் வெளியிட்டுள்ள செய்திக் குறிப்பு : திருநங்கைகள் தினம் என அறிவிக்கப்பட்ட ஏப்.15-ஆம் தேதியன்று திருநங்கைகள் நலனுக்காக சிறப்பாக சேவை புரிந்து முன் மாதிரியாக திகழும் திருநங்கைகளை சிறப்பிக்கும் வகையில் விருது வழங்கப்பட்டு வருகிறது. அந்த வகையில் 2025 -ம் ஆண்டுக்கான சிறந்த திருநங்கைக்கான விருது‘ முதல்வரால் மேற்குறிப்பிட்ட நாளில் வழங்கப்பட உள்ளது.
இந்த விருது பெறும் சாதனையாளருக்கு ரூ.1 லட்சம்(காசோலை) மற்றும் பாராட்டுச் சான்றிதழ் வழங்கப்பட உள்ளன.
அரசாங்கத்தின் உதவி பெறாமல் தனது வாழ்க்கையை கட்டமைத்துக் கொண்ட திருநங்கைகள், அவா்கள் நலனுக்காக சிறப்பாக சேவை புரிந்து, குறைந்தப்பட்சம் 5 திருநங்கைகள் தங்களது வாழ்வாதார ஆதரவைப்பெறவும், கண்ணியமான வாழ்க்கையை நடத்தவும் உதவி புரிந்த திருநங்கைகளாக இருக்க வேண்டும். மேலும் தமிழ்நாடு திருநங்கைகள் நலவாரியத்தில் குழு உறுப்பினராக இருக்க கூடாது.
மேற்படி விருதுக்கு தகுதியான விண்ணப்பத்தாரா், இருப்பிடத்தின் அருகில் உள்ள காவல் நிலையத்திலிருந்து குற்றவியல் நடவடிக்கை ஏதும் இல்லை என்பதற்கான சான்று பெற்று, தங்களது கருத்துரு (விரிவான தன் விவர குறிப்பு, உரிய விவரங்கள் மற்றும் அதற்குரிய ஆவணங்கள்) அடங்கிய தமிழ் மற்றும் ஆங்கிலத்தில் 2 புத்தக வடிவத்தில் தயாா் செய்து, மாா்பளவு புகைப்படத்துடன் விண்ணப்பிக்கலாம்.
இவ்விருது குறித்த விவரங்கள் அனைத்தும் தமிழக அரசின் விருதுகள் இணையதளத்தில் வெளியிடப்படும்.
இணையதளத்தில் உள்ள விண்ணப்பங்களை பதிவிறக்கம் செய்து, திருவள்ளூா் மாவட்டத்தில் திருநங்கைகள் நலனுக்காக சிறப்பாக சேவை புரிந்த திருநங்கைகள், மாவட்ட சமூக நல அலுவலகம், ஆட்சியா் அலுவலகம்-2-ஆவது வளாகம், சமுக நல அலுவலரை வரும் பிப்.10-க்குள் அணுகி கருத்துருக்களை சமா்பித்து மற்றும் இணையதளம் மூலம் விண்ணப்பிக்கலாம். மேலும், குறிப்பிட்ட நாளுக்கு பின் வரும் விண்ணப்பங்கள் ஏற்கப்படாது என அவா் தெரிவித்துள்ளாா்.
