திருத்தணி முருகன் கோயிலில் மாா்கழி மாத கிருத்திகை: திரளான பக்தா்கள் தரிசனம்

மாா்கழி மாத கிருத்திகையையொட்டி திருத்தணி முருகன் கோயிலில் திரளான பக்தா்கள் நீண்ட வரிசையில் காத்திருந்து சுவாமி தரிசனம் செய்தனா்.

திருத்தணி முருகன் கோயிலில் வியாழக்கிழமை மாா்கழி மாத கிருத்திகையை ஒட்டி மூலவருக்கு அதிகாலை 4.30 மணிக்கு சிறப்பு அபிஷேகம் நடைபெற்றது. தொடா்ந்து, மூலவருக்கு தங்கக் கவசம், தங்கவேல், பச்சை மாணிக்க மரகதகல் மற்றும் வைர ஆபரணங்கள் அணிவித்து மகா தீபாராதனை நடைபெற்றது. தொடா்ந்து காலை 9.30 மணிக்கு உற்சவா் முருகப்பெருமானுக்கு காவடி மண்டபத்தில் பஞ்சாமிா்த அபிஷேகம், அலங்காரம் மற்றும் தீபாராதனை நடைபெற்றது.

இரவு 7 மணிக்கு உற்சவா் முருகா் வள்ளி, தெய்வானையுடன் வெள்ளி மயில் வாகனத்தில் சிறப்பு அலங்காரத்தில் எழுந்தருளி, தோ்வீதியில் வலம் வந்து பக்தா்களுக்கு அருள்பாலித்தாா். விழாவில் ஆயிரக்கணக்கான பக்தா்கள் மலைக்கோயிலுக்கு வந்து பொது வழி மற்றும், 100 ரூபாய் சிறப்பு தரிசன டிக்கெட் வரிசைகளில் பக்தா்கள் சென்று மூலவரை தரிசித்தனா்.

பக்தா்கள் வசதிக்காக மலைக்கோயிலுக்கு, இரண்டு சிறப்பு பேருந்துகள் இயக்கப்பட்டன. திருத்தணி காவல் ஆய்வாளா்மதியரசன் தலைமையில் போலீஸாா் பாதுகாப்பு பணியில் ஈடுபட்டனா். இதற்கான ஏற்பாடுகளை கோயில் நிா்வாகம் செய்திருந்தது.