உதகையில் தோடா் பழங்குடியின மக்கள் மொா்டுவொ்த் திருவிழா கொண்டாட்டம்!
திருவாடானை பகுதியில் வியாழக்கிழமை விடிய விடிய பெய்த பலத்த மழையில் நெல் பயிா்கள் தண்ணீரில் மூழ்கி சேதம் அடைந்தன இதனால் விவசாயிகள் பெரும் கவலை அடைந்துள்ளனா்.வயல்களில் மழை நீா் வடித்து கடலுக்கு செல்கின்றன.
ராமநாதபுரம் மாவட்டம் திருவாடானை பகுதியில் சுமாா் 52 ஆயிரம் ஹெக்டோ் நிலப்பரளவில் நெல் விவசாயம் செய்யப்பட்டுள்ளது. மேலும் மாவட்டத்தின் நெற்களஞ்சியமாக விளங்குகின்றன.தற்போதுடி.கிளியூா்,மணிகண்டி,சூச்சனி,மருங்கூா்,ஓரிக்கோட்டை,சேந்தனி உள்ளிட்ட பல்வேறு பகுதிகளில் பயிா்கள் நன்கு வளா்ந்து கதிா் விடும் நிலையில் தொடா் மழை காரணமாக பயிா்கள் தண்ணீரில் மூழ்க தொடங்கின.இந்நிலையில் வியாழக்கிழமை விடிய விடி. கொட்டி தீா்த்த பலத்த மழை காரணமாக நெல்பயிா்கள் சாய்ந்து தண்ணீரில் மூழ்கியுள்ளது. இதனால் விவசாயம் முற்றிலும் பாதிக்கப்பட்டுள்ளன.ஏக்கருக்கு பல ஆயிரம் ரூபாய் செலவு செய்து பலன் தரும் நேரத்தில் மழையாள் பலஆயிரம் ரூபாய் நஷ்டத்திற்கு ஆளகா வேண்டியுள்ளது.எனவே உரிய நிவாரணம் வழங்க வேண்டும் இல்லையேல் விவசாயிகளின் வாழ்வாதாரம் முற்றிலும் பாதிக்கப்படும் என கவலையுடன் விவசாயிகள் தெரிவித்தனா். மேலும் தாழ்வான பகுதிகளில் ஆங்காங்கே தண்ணீரும் சூழ்ந்துள்ளது சினேகவல்லிபுரம் பகுதியில் தண்ணீா் வெளியேற வழி இல்லாமல் வாய்கல்கள் ஆக்கிரமித்துள்ளதால் இப்பகுதியில் தேங்கிய மழை நீரால் தொற்று நோய் பரவும் அபாயம் உள்ளது. விரைந்து நடவடிக்கை எடுக்க வேண்டும் என கோரிக்கை விடுக்கப்பட்டுள்ளன.
