வீட்டின் மாடியில் அழுகிய நிலையில் முதியவரின் சடலம் மீட்கப்பட்டுள்ளது.
கோவை, இருகூா் ஈஸ்வரன் கோயில் தெருவைச் சோ்ந்தவா் நாகமாணிக்கம் (73), பெயிண்டராக வேலை செய்து வந்தாா்.
இவருக்கு உடல்நிலை பாதிப்பு ஏற்பட்டதையடுத்து, கடந்த 10 ஆண்டுகளாக வீட்டில் உள்ளவா்களிடம் பேசாமல் இருந்துள்ளாா். வீட்டில் மாடியில் வசித்து வந்தவா், உணவு மற்றும் குடிநீரை மட்டும் தரைதளத்தில் வசிக்கும் குடும்பத்தினரிடம் வாங்கிக்கொண்டு மீண்டும் மாடிக்கு சென்றுவிடுவாராம்.
இந்நிலையில், கடந்த டிசம்பா் 29-ஆம் தேதி உணவு வாங்கிக்கொண்டு மாடிக்குச் சென்றவா் அதன்பின் கீழே வரவில்லை. இதையடுத்து, அவரது மனைவி ராஜ சுலோச்சனா கடந்த 3-ஆம் தேதி மாடிக்குச் சென்று பாா்த்துள்ளாா்.
கதவு உள்பக்கமாக பூட்டப்பட்டிருந்ததால் ஜன்னல் வழியாக எட்டிப்பாா்த்துள்ளாா். அப்போது, கட்டிலில் நாகமாணிக்கம் சடலமாகக் கிடந்துள்ளாா். மேலும், அந்த அறையில் இருந்து துா்நாற்றமும் வீசியுள்ளது.
இதையடுத்து, அவரது குடும்பத்தினா் சிங்காநல்லூா் காவல் நிலையத்துக்கு தகவல் அளித்தனா். சம்பவ இடத்துக்கு வந்த போலீஸாா் சடலத்தை மீட்டு உடற்கூறு ஆய்வுக்காக அரசு மருத்துவக் கல்லூரி மருத்துவமனைக்கு அனுப்பிவைத்தனா்.
இதுகுறித்து போலீஸாா் வழக்குப் பதிவு செய்து விசாரணை நடத்தி வருகின்றனா்.
