துடரும் இயக்குநர் இயக்கத்தில் ஃபஹத் ஃபாசில், அர்ஜுன் தாஸ்!

துடரும் படத்தின் மூலம் பிரபலமடைந்த இயக்குநர் தருண் மூர்த்தியின் புதிய பட அறிவிப்பு வெளியாகியுள்ளது.

’சவுதி வெள்ளக்கா' படத்தின் மூலம் கவனம்பெற்ற இயக்குநர் தருண் மூர்த்தி இயக்கத்தில் நடிகர்கள் மோகன்லால் - ஷோபனா இணைந்து நடித்த ’துடரும்’ ரசிகர்களிடையே பெரிய வரவேற்பைப் பெற்றுள்ளது.

குடும்பத்திற்கான கதையாக உருவான இது வெளியான 6 நாள்களிலேயே ரூ. 100 கோடிக்கும் அதிகமாக வசூலித்து அசத்தியுள்ளது.

இந்த நிலையில், இயக்குநர் தருண் மூர்த்தி இயக்கும் அடுத்த படத்தின் அறிவிப்பு வெளியாகியுள்ளது. ஆஷிக் உஸ்மான் தயாரிக்கும் இப்படத்தில் நடிகர்கள் ஃபஹத் ஃபாசில், அர்ஜுன் தாஸ், நஸ்லன் மற்றும் கணபதி ஆகியோர் நடிக்கின்றனர்.

படத்திற்கு, ‘டார்பீடோ’ (torpedo) எனப் பெயரிட்டுள்ளனர். விரைவில், படப்பிடிப்பு துவங்கும் என எதிர்பார்க்கப்படுகிறது.

இதையும் படிக்க: கூலி அப்டேட் கொடுத்த லோகேஷ் கனகராஜ்!