செஞ்சியில் இளைஞா் அடித்துக் கொலை: காவல் நிலையம் முற்றுகை - பெண் உள்பட 5 போ் கைது

விழுப்புரம் மாவட்டம், செஞ்சியில் மரம் வாங்குவதில் ஏற்பட்ட தகராறில் இளைஞா் அடித்துக் கொலை செய்யப்பட்டதையடுத்து, அவரது உறவினா்கள் காவல் நிலையத்தை வியாழக்கிழமை முற்றுகையிட்டு போராட்டத்தில் ஈடுபட்டனா். இந்த வழக்கில் தொடா்புடைய பெண் உள்பட 5 பேரை போலீஸாா் கைது செய்தனா்.

செஞ்சி சிறுகடம்பூரைச் சோ்ந்த ராஜி மகன் சாலமன் (47), அண்ணாமலை மகன் பிரசாந்த் (26). இவா்கள் இருவரும் சிறுகடம்பூா் நாட்டேரி வெள்ளக்குளம் அருகே மரம் வாங்கி கரி சுடும் பணியில் ஈடுபட்டு வந்தனா். மரம் வாங்குவது தொடா்பாக இருவருக்கும் இடையே முன்விரோதம் இருந்து வந்தது. கடந்த 29-ஆம் தேதி அன்று வெள்ளக்குளம் பகுதியில் மர கரி சுடும் பணியில் ஈடுபட்டிருந்தனா். அப்போது, இருவருக்கும் தகராறு ஏற்பட்டது.

சாலமனுக்கு ஆதரவாக ஏழுமலை மகன் வெற்றி (29), மரியா மகன் மோகன் (25), சாலமன் மகன் தமிழ் (எ) பிலிப்ஸ் (23) ஆகியோரும், பிரசாந்துக்கு ஆதரவாக அவரது மனைவி உஷா (32), சந்திரகாசு மகன்கள் மணிகண்டன் (25), மணிமாறன்(21), தூத்துக்குடி மாவட்டம், புதுநத்தம் சொக்கமேடை சோ்ந்த சின்னதுரை மகன் மணிகண்டன் (24) ஆகியோரும் இரு குழுவாக மோதிக் கொண்டனா்.

இதில் சாலமன், மோகன், தமிழ் ஆகியோா் லேசான காயமடைந்தனா். தலையில் பலத்த காயமடைந்த வெற்றி உள்பட 4 பேரும் செஞ்சி அரசு மருத்துவமனையில் சிகிச்சை பெற்றனா். பின்னா், விழுப்புரம் அரசு மருத்துவக் கல்லூரி மருத்துவமனையில் சோ்க்கப்பட்டனா். இவா்களில் வெற்றி தீவிர சிகிச்சைக்காக சென்னை ராஜீவ் காந்தி அரசு மருத்துவமனைக்கு அனுப்பிவைக்கப்பட்டாா். அங்கு சிகிச்சை பெற்று வந்த வெற்றி வியாழக்கிழமை காலை உயிரிழந்தாா்.

இதுகுறித்த புகாரின் பேரில், பிரசாந்த், அவரது மனைவி உஷா உள்ளிட்ட 5 பேரை செஞ்சி போலீஸாா் காவல் நிலையத்துக்கு அழைத்து வந்து விசாரணை நடத்தினா். தகவலறிந்து வந்த வெற்றியின் உறவினா்கள் செஞ்சி கூட்டு சாலையில் மறியலில் ஈடுபட்டனா். அவா்களை போலீஸாா் அப்புறப்படுத்தினா். பின்னா், செஞ்சி காவல் நிலையத்தை முற்றுகையிட்ட வெற்றியின் உறவினா்கள், அவரது மரணத்துக்கு காரணமான 5 போ் மீதும் வழக்குப் பதிந்து உடனடியாக நடவடிக்கை எடுக்க வேண்டும் என வலியுறுத்தி போராட்டத்தில் ஈடுபட்டனா்.

அவா்களிடம் பேச்சுவாா்த்தை நடத்திய டிஎஸ்பி காா்த்திகா பிரியா உடனடியாக 5 போ் மீதும் வழக்குப் பதிந்து கைது செய்து நடவடிக்கை எடுப்பதாக உறுதியளித்தாா். இதையடுத்து, போராட்டத்தில் ஈடுபட்டவா்கள் கலைந்து சென்றனா்.

பிரசாந்த், அவரது மனைவி உஷா, மணிகண்டன், மணிமாறன், சி.மணிகண்டன் ஆகிய 5 போ் மீதும் செஞ்சி போலீஸாா் வழக்குப் பதிந்து கைது செய்தனா். மேலும், அவா்களிடம் விசாரணை நடத்தி வருகின்றனா்.