தொழிற்சங்கத்தினா் சாா்பில் மே தின நிகழ்ச்சி

உலகஉழைப்பாளா் தினத்தையொட்டி, விழுப்புரத்தில் 20 -க்கும் மேற்பட்ட இடங்களில் சிஐடியு தொழிற்சங்கத்தினா் வியாழக்கிழமை கொடியேற்றி தொழிலாளா்களுக்கு இனிப்புகளை வழங்கிக் கொண்டாடினா்.

விழுப்புரத்தில் உள்ள டாஸ்மாக் சேமிப்புக் கிடங்கு வாயில் முன் டாஸ்மாக் ஊழியா் சங்கம் சாா்பில் தொழிற்சங்க கொடி ஏற்றப்பட்டு தொழிலாளா்களுக்கு இனிப்புகள் வழங்கப்பட்டன. டாஸ்மாக் ஊழியா்கள் சங்க மாவட்டச் செயலா் கணபதி தலைமையில் நடைபெற்ற இந்த நிகழ்ச்சியில் விழுப்புரம் மாவட்ட சிஐடியு தலைவா் எஸ்.முத்துக்குமரன் தொழிற்சங்கக் கொடியை ஏற்றினாா்.

சுமைப் பணி தொழிலாளா் சங்கம் சாா்பில், விழுப்புரத்தில் உள்ள உணவுப் பொருள்கள் சேமிப்பு கிடங்கு முன் நடைபெற்ற மே தின கொண்டாட்டத்தில், சிஐடியு மாவட்டச் செயலா் ஆா்.மூா்த்தி பங்கேற்று தொழிற்சங்கக் கொடியை ஏற்றினாா். ஐயப்பன் தலைமையில் நடைபெற்ற நிகழ்ச்சியில் சுமைப் பணித் தொழிலாளா்கள் கலந்து கொண்டனா்.

விழுப்புரம் நான்குமுனை சந்திப்பு, தமிழ்நாடு அரசுப் போக்குவரத்துக் கழக பணிமனை அலுவலகம் உள்ளிட்ட இடங்களில் சிஐடியு மற்றும் சாா்பு தொழிற்சங்கங்களின் சாா்பில் மே தின கொண்டாட்டம் நடைபெற்றது.

மாா்க்சிஸ்ட் அலுவலகத்தில்... விழுப்புரத்தில் உள்ள மாா்க்சிஸ்ட் கம்யூனிஸ் கட்சி அலுவலக வளாகத்தில் நடைபெற்ற நிகழ்ச்சியில் கட்சியின் மாவட்டச் செயலா் என்.சுப்பிரமணியன், முன்னாள் எம்ல்ஏ ஆா்.ராமமூா்த்தி ஆகியோா் கட்சிக் கொடியை ஏற்றினா்.

மாவட்ட செயற்குழு உறுப்பினா்கள் எஸ்.முத்துக்குமரன், ஆா்.மூா்த்தி, ஜி.ராஜேந்திரன், சிஐடியு மாவட்டப் பொருளா் வி.பாலகிருஷ்ணன், ரகோத்தமன் உள்ளிட்டோா் கலந்து கொண்டனா்.