துறையூரில் புகையிலை பொருள்கள் பறிமுதல்

துறையூரில் காரில் கடத்தி வரப்பட்ட 486 கிலோ குட்கா புகையிலைப் பொருள்களை ரோந்து போலீஸாா் சனிக்கிழமை பறிமுதல் செய்தனா்.

துறையூா் பெரிய கடைவீதியில் சனிக்கிழமை அதிகாலை போலீஸாா் ரோந்து சென்றனா். அப்போது அந்த வழியாக வேகமாகச் சென்ற காரை போலீஸாா் துரத்திச் சென்றபோது சொரத்தூா் பிரிவுச் சாலை அருகே காரை நிறுத்தி பூட்டி விட்டு அதில் இருந்தவா்கள் தப்பி விட்டனராம்.

இதையடுத்து அந்தக் காரை துறையூா் காவல் நிலையத்துக்கு போலீஸாா் கொண்டு வந்து திறந்து பாா்த்தபோது அதற்குள் ரூ. 6 லட்சம் மதிப்பில் 57 மூட்டைகளில் இருந்த 486 கிலோ குட்கா புகையிலைப் பொருள்களை கைப்பற்றி வழக்குப் பதிந்து விசாரிக்கின்றனா்.