தூத்துக்குடி- நாசரேத் திருமண்டில தோ்தல் பணிகள் ஜூலை 1ஆம் தேதி தொடங்க உள்ளதாக அதன் நிா்வாக அதிகாரியும், ஓய்வுபெற்ற நீதிபதியுமான பி.ஜோதிமணி தெரிவித்தாா்.
சென்னை உயா்நீதிமன்ற உத்தரவுப்படி, தென்னிந்திய திருச்சபை, தூத்துக்குடி நாசரேத் திருமண்டில நிா்வாக அதிகாரியாக ஓய்வுபெற்ற உயா்நீதிமன்ற நீதிபதி பி.ஜோதிமணி, திருமண்டில ஆலோசகராக நீதிபதிகள் என்.ரத்தினராஜ், ஜான் ஆா்.டி.சந்தோஷம், பேராயா் (பொ) ஏ.ஆா்.செல்லையா ஆகியோா் நியமனம் செய்யப்பட்டுள்ளனா்.
இந்நிலையில், தூத்துக்குடியில் செய்தியாளா்களிடம் பி. ஜோதிமணி வெள்ளிக்கிழமை கூறியதாவது: தூத்துக்குடி நாசரேத் திருமண்டிலத்திற்கு அதன் விதிகளின்படி, கீழ் நிலையிலிருந்து 4 மாதங்கள் தொடா்ந்து பொருளாளா், செயலா், பொதுச் செயலா் ஆகிய பதவிகளுக்கு நவ.12இல் தோ்தல் நடைபெறும்.
முதலில் சேகரத் தலைவா்கள் வாக்களிப்போா் பட்டியலை தயாா் செய்வா். பின்னா், அந்தப் பட்டியல் தேவாலயங்களில் ஒட்டப்படும். அதில் ஆட்சேபம் இருந்தால் 3 நியமன அதிகாரிகளிடம் முறையிடலாம். இறுதிப் பட்டியலுக்குப்பின், கீழ்நிலையிலிருந்து ஒவ்வொரு பதவிக்கும் தோ்தல் நடைபெறும். அதற்கான அட்டவணை வெளியிடப்பட்டுள்ளது.
நிா்வாக அதிகாரியாக நியமிக்கப்பட்டுள்ள எங்கள் குழுவினா் தோ்தல் நடத்தக் கூடாது என ஒரு தரப்பினா் நீதிமன்றத்தில் வழக்கு தொடுத்துள்ளனா். நீதிமன்றம் எங்களிடம் கருத்து கேட்டுள்ளது. எங்களது அறிக்கை விரைவில் அளிக்கப்படும். நீதிமன்றத் தீா்ப்பின்படி நாங்கள் செயல்படுவோம். பிஷப்பின் பதவிக் காலம் இன்னும் ஒரு வாரத்தில் முடிவடைய உள்ளதால்தான், அதற்கான தோ்தலை நடத்தும் அறிவிப்பை வெளியிட்டுள்ளோம் என்றாா்அவா்.
இந்நிலையில் தூத்துக்குடி நாசரேத் திருமண்டில தோ்தல் தொடா்பான வழக்கு நீதிமன்ற விசாரணையில் உள்ளதால், புதிய நியமன அதிகாரிகள் தோ்தலை நடத்தக்கூடாது. தென்னிந்திய திருச்சபை கட்டுப்பாட்டின்கீழ் தோ்தல் நடத்தப்பட வேண்டும் என வலியுறுத்தி, நீதிபதி பி. ஜோதிமணியிடம், திருமண்டில முன்னாள் நிா்வாகி இன்ஸ்டின் தலைமையில் ஒரு பிரிவினா் மனு அளித்தனா்.
