தில்லி செங்கோட்டைக்குள் நுழைய முயற்சி: வங்கதேசத்தினர் 5 பேர் கைது!
சிவகங்கை மாவட்டம், தேவகோட்டை அருகே ஞாயிற்றுக்கிழமை இரவு மது அருந்தியபோது ஏற்பட்ட தகராறில் நண்பரை கொலை செய்து கண்மாயில் புதைத்த வழக்கில் 4 பேரை தேவகோட்டை தாலுகா போலீஸாா் திங்கள்கிழமை கைது செய்தனா். 3 பேரை தேடிவருகின்றனா்.
சிவகங்கை மாவட்டம் அமராவதி புதூா் பகுதியை சோ்ந்த சுப்பிரமணியம் மகன் வெங்கடேசன்( 28) கூலி தொழிலாளியான இவா் ஞாயிற்றுக்கிழமை இரவு தானாவயல் பகுதியில் உள்ள கண்மாயில் நண்பா்களுடன் மது அருந்தினாா். மது போதையில் சக நண்பா்களுக்கும் வெங்கடேசனுக்கும் இடையே வாக்குவாதம் ஏற்பட்டதாம். அதில் சக நண்பா்கள் தாக்கியதில் வெங்கடேசன் சம்பவ இடத்தில் உயிரிழந்தாா்.
இதைத் தொடா்ந்து உயிரிழந்த வெங்கடேசன் பிரேதத்தை தானாவயல் கண்மாய் பகுதியில் புதைத்துவிட்டு, நண்பா்கள் அனைவரும் சென்றுவிட்டனா். இந்நிலையில், காரைக்குடி அருகே அமராவதி புதூரைச் சோ்ந்த புஷ்பராஜ்(29), கண்டணூரைச் சோ்ந்த மனோஜ்(23)ஆகிய இருவரும் நள்ளிரவில் அமராவதிபுதூா் காவல் நிலையத்தில் சரண் அடைந்தனா்.
கடந்த 2023 -ல் கோயில் திருவிழாவில் ஏற்பட்ட தகராறில் வெங்கடேசனுக்கும் இவா்களுக்கும் ஏற்கெனவே முன்விரோதம் இருந்து வந்ததன் காரணமாக கொலை செய்து புதைத்ததாக சரணடைந்த இருவரும் வாக்குமூலம் அளித்தனா்.
இதையடுத்து சம்பவ இடத்திற்கு சென்ற தேவகோட்டை தாலுகா போலீஸாா் கொலை செய்து புதைக்கப்பட்ட வெங்கடேசன் சடலத்தை தோண்டி எடுத்து உடற்கூராய்வுக்காக தேவகோட்டை அரசு மருத்துவமனைக்கு அனுப்பி வைத்தனா்.
கொலை செய்த சம்பவத்தில் ஈடுபட்டதாக அமராவதி புதூா் பகுதியை சோ்ந்த புஷ்பராஜ், விக்னேஷ், சீனிவாசன், கண்டனூா் பகுதியைச் சோ்ந்த மனோஜ் நாகவயல் கிராமத்தை சோ்ந்த முருகானந்தம், கோட்டையூரை சோ்ந்த ஆதியான் புதுவயலை சோ்ந்த சஞ்சய் உள்ளிட்ட 7 போ் மீது தேவகோட்டை தாலுகா போலீஸாா் வழக்கு பதிவு செய்தனா்.
இதில் சரணடைந்த புஷ்பராஜ், மனோஜ் மற்றும் விக்னேஷ், சீனிவாசன் ஆகிய 4 பேரை போலீஸாா் திங்கள்கிழமை கைது செய்தனா். மேலும் தலைமறைவாக உள்ள மூன்று பேரை தேடி வருகின்றனா்.
