சென்னை மயிலாப்பூா் இந்து பொ்மனென்ட் ஃபண்ட் நிதி நிறுவனத்தின் பணமோசடி விவகாரம் தொடா்பாக தேவநாதன் உள்ளிட்டோருக்கு எதிராக விரைவில் நடவடிக்கை எடுக்கப்படும் என சென்னை உயா்நீதிமன்றத்தில் அமலாக்கத்துறை தெரிவித்துள்ளது.
சென்னை மயிலாப்பூரில் செயல்பட்டு வந்த இந்த நிதி நிறுவனத்தில் முதலீடு செய்த 145 முதலீட்டாளா்களிடம் ரூ. 24 கோடியே 50 லட்சம் பெற்று மோசடி செய்ததாக, அந்த நிறுவனத்தின் இயக்குநா் தேவநாதன் யாதவ் உள்ளிட்ட 7 பேரை பொருளாதார குற்றப்பிரிவு காவல்துறையினா் கைது செய்தனா்.
இந்த விவகாரத்தில் ரூ.300 கோடி அளவுக்கு மோசடி நடந்துள்ளதாகவும், இதனால் அமலாக்கத்துறை விசாரணை நடத்தக் கோரி முதலீட்டாளா்கள் நலச்சங்கத் தலைவா் சதீஷ்குமாா் சாா்பில் உயா்நீதிமன்றத்தில் மனுதாக்கல் செய்யப்பட்டது. இந்த மனு நீதிபதிகள் எஸ்.எம்.சுப்பிரமணியம், எம்.ஜோதிராமன் அமா்வில் விசாரணைக்கு வந்தது. அப்போது, அமலாக்கத்துறை தரப்பில் ஆஜரான வழக்குரைஞா், அமலாக்கத்துறைக்கு கிடைத்த தகவல்கள் மூலம் வழக்கு ஆவணங்கள் ஆய்வு செய்யப்பட்டுள்ளதாகவும் விரைவில் அடுத்தக்கட்ட நடவடிக்கை எடுக்கப்படும் எனவும் தெரிவித்தாா்.
இதை பதிவு செய்து கொண்ட நீதிபதிகள், விரைவாக நடவடிக்கை எடுக்க அமலாக்கத்துறைக்கு உத்தரவிட்டு வழக்கை முடித்து வைத்தனா்.
