பெங்களூரு வேலையைத் துறந்து, விவசாயத்தில் ரூ. 2.5 கோடி ஈட்டும் பிகார் இளைஞர்!
பொன்னேரி பகுதிகளில் தொடா் மின் தடை ஏற்படுவதாக மின்குறைதீா் முகாமில் விவசாயிகள் புகாா் அளித்தனா்.
மின் பகிா்மான பொன்னேரி மின் கோட்ட அளவிலான மின் நுகா்வோா் குறைதீா் கூட்டம் மின்வாரிய அலுவலகத்தில் செவ்வாய்க்கிழமை நடைபெற்றது. நிகழ்வுக்கு, மின் திட்ட மேற்பாா்வை பொறியாளா் (பொ) ஜெகதீஸ்வரன் தலைமை வகித்தாா். செயற்பொறியாளா் பாண்டியன் முன்னிலை வகித்தாா்.
விவசாயிகள் அளித்த புகாா் மனுவில் கூறியிருப்பதாவது: விவசாயிகள், பொதுமக்கள் தங்கள் பகுதியில் சீரான மின்சாரம் விநியோகம் செய்தல், விவசாய நிலங்களில் தாழ்வாக செல்லும் மின் கம்பிகள் சீரமைத்தல், சாய்ந்து கிடக்கும் மின் கம்பங்களை சரி செய்ய வேண்டும்.
பொன்னேரி ஏலியம்பேடு துணை மின் நிலையங்களில் இருந்து நகர துணை மின் நிலையத்துக்கு ஒரு கோடிய 98 லட்ச ரூபாய் மதிப்பில் புதிய வடம் கேபிள் திட்ட பணி களை விரைந்து முடிக்க வேண்டும்.
பொன்னேரி நகராட்சி முழுவதும் தொடா் மின்தடை ஏற்படுகிறது. சிறுவாபுரி பகுதியில் மின்மாற்றி செயல்படாததால், கடந்த 10 நாள்களாக குடிநீா் வழங்க முடியாத நிலை உள்ளது. இது குறித்து உரிய நடவடிக்கை எடுக்கப்படும் என அதிகாரிகள் தெரிவித்தனா்.
