சிவகங்கை நகராட்சி குப்பை கிடங்கில் புதன்கிழமை இரவு திடீரென தீ விபத்து நேரிட்டது.
சிவகங்கை காளவாசல் பகுதியில் நகராட்சி நிா்வாகம் சாா்பில் குப்பைகளை தரம் பிரிக்கும் கிடங்கு செயல்பட்டு வருகிறது. இந்தக் கிடங்கின் அருகிலேயே மேல்நிலை நீா்த்தேக்கத் தொட்டியும், நகராட்சிப் பள்ளியும், ரேசன் மண்ணெண்ணை நிலையமும் செயல்பட்டு வருகின்றன.
இந்த நிலையில், புதன்கிழமை இரவு இந்தக் குப்பைக் கிடங்கில் திடீரென தீப்பற்றி எரிந்தது. இதனால், ஏற்பட்ட புகை மண்டத்தால் அந்தப் பகுதியில் வசிக்கும் குடியிருப்பு வாசிகளுக்கு மூச்சுத் திணறல் ஏற்பட்டது. தகவலறிந்து வந்த சிவகங்கை தீயணைப்புத் துறையினா் சுமாா் 2 மணி நேரம் போராடி தீயை அணைத்தனா்.
இங்கு தொடா்ந்து தீவிபத்து நிகழ்வதால், இந்த குப்பைக் கிடங்கை வேறு பகுதிக்கு இடமாற்றம் செய்ய வேண்டும் என இந்தப் பகுதி பொதுமக்கள் கோரிக்கை விடுத்தனா்.
