நம்மாழ்வாா் விருதுபெற விவசாயிகளுக்கு அழைப்பு

பெரம்பலூா் மாவட்டத்தில் இயற்கைமுறை விவசாய சாகுபடியில் ஈடுபடும் விவசாயிகள், நம்மாழ்வாா் விருதுபெற விண்ணப்பிக்கலாம் என்றாா் மாவட்ட ஆட்சியா் ச. அருண்ராஜ்.

இதுகுறித்து அவா் வியாழக்கிழமை வெளியிட்ட செய்திக் குறிப்பு: இயற்கை விவசாயத்தில் ஈடுபடும் தன்னாா்வ விவசாயிகளை ஊக்கப்படுத்துவதற்காக 2025-26 -ஆம் ஆண்டு வேளாண்மை நிதி நிலை அறிக்கையில் உயிா்ம வேளாண்மையில் சிறந்து விளங்கி மற்ற விவசாயிகளையும் ஊக்குவிக்கும் உயிா்ம விவசாயிகளுக்கு நம்மாழ்வாா் விருது வழங்கப்படும் என அறிவிக்கப்பட்டது.

அதன்படி, நம்மாழ்வாா் விருது பெற விரும்பும் விவசாயிகள்

ட்ற்ற்ல்ள்://ஜ்ஜ்ஜ்.ற்ய்ஹஞ்ழ்ண்ள்ய்ங்ற்.ற்ய்.ஞ்ா்ஸ்.ண்ய் எனும் வலைதளத்தில் செப்டம்பா் 15-ஆம் தேதிக்குள் விண்ணப்பிக்க வேண்டும். பதிவுக் கட்டணமாக ரூ. 100 செலுத்த வேண்டும்.

குறைந்தபட்சம் ஒரு ஏக்கா் பரப்பளவில் உயிா்ம வேளாண்மையில் சாகுபடி செய்ய வேண்டும். குறைந்தபட்சம் 3 ஆண்டுகள் உயிா்ம வேளாண்மையில் ஈடுபட்டு, அதற்கானச் சான்று பெற்றிருக்க வேண்டும். முழுநேர உயிா்ம விவசாயியாக இருக்க வேண்டும்.

தோ்ந்தெடுக்கப்படும் 3 விவசாயிகளுக்கு, தமிழ்நாடு அரசால் நம்மாழ்வாா் பெயரில் விருதுடன் தலா ரூ. 2 லட்சம் ரொக்கப்பரிசு, சான்றிதழ் மற்றும் பதக்கம் வழங்கப்படும்.

இவ் விருதுக்கு விண்ணப்பிக்க விரும்பும் விவசாயிகள், சம்பந்தப்பட்ட பகுதியிலுள்ள வட்டார வேளாண்மை உதவி இயக்குநா்களை தொடா்புகொண்டு பயன்பெறலாம்.