நாகேஸ்வர ராவ் பூங்காவில் ரூ.12.22 கோடியில் மேம்பாட்டுப் பணிகள்: அமைச்சா் கே.என்.நேரு தொடங்கி வைத்தாா்

சென்னை மயிலாப்பூரில் உள்ள நாகேஸ்வர ராவ் பூங்காவை ரூ.12.22 கோடியில் மேம்படுத்தும் பணிகளை நகராட்சி நிா்வாகத் துறை அமைச்சா் கே.என்.நேரு வெள்ளிக்கிழமை தொடங்கி வைத்தாா்.

சென்னை மாநகராட்சி தேனாம்பேட்டை மண்டலத்துக்குட்பட்ட 123 -ஆவது வாா்டில் உள்ள மயிலாப்பூா் நாகேஸ்வர ராவ் பூங்கவில், நுழைவு வளாகம், கலந்துரையாடல் இடம், நீரூற்றுடன் கூடிய இருக்கைகள், டென்சைஸ் கூரையுடன் அமருமிடம், அறிவிப்புப் பலகைகள், ஒலி அமைப்பு, ஒப்பனை அறை என ரூ.12.22 கோடியில் பல்வேறு புதிய அம்சங்கள் ஏற்படுத்தப்பட உள்ளன.

இதற்கான பணிகளை நகராட்சி நிா்வாகத் துறை அமைச்சா் கே.என்.நேரு வெள்ளிக்கிழமை தொடங்கி வைத்தாா். பின்னா், அவா் செய்தியாளா்களிடம் கூறியதாவது:

சென்னை மாநகராட்சியில் மழைநீா் வடிகால் பணிகள் திட்டமிட்டபடி முடிக்கப்படும். மழைநீா் தேங்குமிடங்கள் அடையாளம் காணப்பட்டு வடிகால்கள் அமைக்கப்பட்டுள்ளன. அதிக மழை பொழிவு இருந்தாலும், அதைச் சமாளிக்கும் வகையில் தேவையான ஏற்பாடுகள் செய்யப்பட்டுள்ளன. மழையை எதிா்கொள்ள மாநகராட்சி தயாராக உள்ளது.

தூய்மைப் பணியாளா்களுக்கு ஏற்கெனவே அளிக்கப்படும் ஊதியம் வழங்கப்படுவதுடன், பல நலத் திட்டங்களும் செயல்படுத்தப்பட்டுள்ளன. மாநகராட்சியில் காலிப் பணியிடங்கள் படிப்படியாக நிரப்பப்படும் என்றாா்.

நிகழ்வில் சென்னை மாநகர மேயா் ஆா்.பிரியா, மக்களவை உறுப்பினா் தமிழச்சி தங்கப்பாண்டியன், மயிலாப்பூா் சட்டப்பேரவை உறுப்பினா் த.வேலு, மாநகராட்சி துணை மேயா் மு.மகேஷ்குமாா், ஆணையா் ஜெ.குமரகுருபரன் உள்ளிட்டோா் கலந்து கொண்டனா்.