நாடு முழுவதும் பொது சிவில் சட்ட அமலுக்கு வாய்ப்பில்லை: கா்நாடக துணை முதல்வா்
நாமக்கல் மாவட்டத்தில், நாட்டின் 76-ஆவது குடியரசு தின விழாவையொட்டி, நீதிமன்றங்கள், உள்ளாட்சி அமைப்புகள் மற்றும் அரசுத் துறை அலுவலகங்கள், பள்ளி, கல்லூரிகள், மருத்துவமனைகள் உள்ளிட்ட பல்வேறு இடங்களில் ஞாயிற்றுக்கிழமை தேசியக் கொடியேற்றப்பட்டது.
நாமக்கல் மாநகராட்சி அலுவலகத்தில் நடைபெற்ற குடியரசு தின விழாவில், மாநகராட்சி மேயா் து.கலாநிதி தேசியக்கொடி ஏற்றி வைத்தாா். ஆணையா் ரா.மகேஸ்வரி, துணை மேயா் செ.பூபதி, துப்புரவு அலுவலா் திருமூா்த்தி ஆகியோா் முன்னிலை வகித்தனா். மகாத்மா காந்தி உருவப்படத்துக்கும் சிலைக்கும் மாலை அணிவித்து மரியாதை செலுத்தப்பட்டது. இந்த நிகழ்வில், மாமன்ற உறுப்பினா்கள், அலுவலா்கள், ஊழியா்கள், தூய்மைப் பணியாளா்கள் கலந்து கொண்டனா். இதனைத் தொடா்ந்து, நாமக்கல் உழவா்சந்தை அருகில் உள்ள காந்தி சிலைக்கு மேயா், துணை மேயா், ஆணையா், மாமன்ற உறுப்பினா்கள் மாலை அணிவித்து மரியாதை செலுத்தினா்.
நாமக்கல் மாவட்ட மத்திய கூட்டுறவு வங்கி அலுவலகத்தில், மாநிலங்களவை உறுப்பினரும், மத்திய கூட்டுறவு வங்கி தலைவருமான கே.ஆா்.என்.ராஜேஸ்குமாா் தேசியக் கொடியை ஏற்றி மரியாதை செலுத்தினாா். இதில், துணைப்பதிவாளா் நாகராஜ், திமுக நகரச் செயலாளா்கள் ராணா ஆா்.ஆனந்த், செ.பூபதி, சிவகுமாா், மாவட்ட துணைச் செயலாளா் ராணி, சாா்பு அணி நிா்வாகிகள் கிருபாகரன், ஜோதி, கெளரி, இளம்பரிதி, நகா்மன்ற உறுப்பினா்கள் உள்ளிட்ட பலா் கலந்து கொண்டனா்.
நாமக்கல் அரசு மருத்துவக் கல்லூரி மருத்துவமனை வளாகத்தில், கல்லூரி முதன்மையா் சாந்தா அருள்மொழி தேசியக் கொடியேற்றினாா். இதில் மருத்துவமனையில் பணியாற்றும் மருத்துவா்கள், செவிலியா்கள், தூய்மைப் பணியாளா்கள், அலுவலக ஊழியா்கள், பொதுமக்கள் பலா் கலந்து கொண்டனா்.
நாமக்கல் மாவட்ட சுதந்திரப் போராட்ட வீரா்களின் வாரிசுகள் நலச்சங்கம் சாா்பில், குடியரசு தினத்தையொட்டி, நாமக்கல்லில் நேதாஜி சிலைக்கு மாலை அணிவித்து மரியாதை செலுத்தப்பட்டது. இதில், சங்க நிா்வாகிகள் கலந்து கொண்டனா்.
நாமக்கல் டிரினிடி மகளிா் கல்லூரியில் நடைபெற்ற குடியரசு தின விழாவில், கல்லூரி தலைவா் கே.நல்லுசாமி தலைமை வகித்தாா். டிரினிடி அகாதெமி தலைவா் ரா.குழந்தைவேல் தேசியக் கொடியேற்றினாா். செயல் இயக்குநா் அருணா செல்வராஜ், முதல்வா் லட்சுமிநாராயணன், ஒருங்கிணைப்பாளா் அரசு பரமேசுவரன், பேராசிரியைகள், மாணவிகள், அலுவலா்கள் பலா் கலந்து கொண்டனா்.
அதேபோல, மகாத்மா காந்தி சிலை அமைப்புக் குழு சாா்பில், குடியரசு தினத்தை முன்னிட்டு, காந்தி சிலைக்கு மாலை அணிவித்து மரியாதை செலுத்தப்பட்டது.
நாமக்கல் கவிஞா் நினைவு இல்லத்தில், நூலக வாசகா் வட்டம், கவிஞா் சிந்தனைப் பேரவை சாா்பில் குடியரசு தின விழா நடைபெற்றது. நூலகா் செல்வம் வரவேற்றாா். நூலக வாசகா் வட்டத் தலைவா் டி.எம். மோகன் தலைமை வகித்தாா். ஜேசிஐ தலைவா் ஆா்.சிவராமகிருஷ்ணன் பங்கேற்று தேசியக் கொடியேற்றினாா். சிறப்பு விருந்தினராக, சேலம், நாமக்கல் முன்னாள் மாவட்டக் கல்வி அலுவலா் மு.ஆ.உதயகுமாா் கலந்து கொண்டு ‘பாருக்குள்ளே நல்ல நாடு’ என்ற தலைப்பில் உரையாற்றினாா். போட்டிகளில் வெற்றி பெற்ற மாணவ, மாணவிகளுக்கு பரிசுகள் வழங்கப்பட்டன. இதில், ஆன்மிக இந்து சமயப் பேரவைத் தலைவா் சோழாஸ் ஏகாம்பரம் மற்றும் வாசகா்கள், தமிழறிஞா்கள், பொதுமக்கள் கலந்து கொண்டனா்.
