'பிடிஆரையும் உதயநிதியையும் தராசில் வைத்து ஒப்பிடுங்கள்; அறிவார்ந்த அமைச்சரைக் கூ...
நிதி நிறுவன அதிபரிடம் பணம் வாங்கி மோசடியில் ஈடுபட்ட நபா்களை போலீஸாா் தேடி வரும் நிலையில், இது தொடா்பாக இரண்டு பெண்களை கைது செய்தனா்.
தூத்துக்குடியைச் சோ்ந்தவா் லட்சுமணன் (35). பைனான்ஸ் தொழில் செய்து வரும் இவருக்கு கோவை தண்ணீா்பந்தல் பகுதியைச் சோ்ந்த ஜெபின், சூா்யா ஆகியோா் பழக்கமாகியுள்ளனா். அப்போது, இருவரும் லட்சுமணனிடம் கடன் வாங்கி உள்ளனா். அதன் பிறகு அவா்கள் பணத்தை திருப்பி கொடுக்கவில்லையாம்.
இந்நிலையில், இருவரையும் தொடா்புகொண்ட லட்சுமணன் பணத்தைக் கேட்டுள்ளாா்.அப்போது, அவா்கள் கோவையில் ஒரு இடத்துக்கு வந்து பணத்தைப் பெற்றுக் கொள்ளுமாறு கூறியுள்ளனா்.
இதையடுத்து, தண்ணீா்பந்தல் சாலையில் உள்ள கட்டடத்தில் இருவரையும் லட்சுமணன் சனிக்கிழமை சந்தித்துள்ளாா். அப்போது, அவா்கள் லட்சுமணனை இருசக்கர வாகனத்தில் ஏற்றிக்கொண்டு வேறு ஒரு இடத்துக்குச் சென்றுள்ளனா்.
அங்கு 2 பெண்கள் இருந்துள்ளனா். இதனால் குழப்பம் அடைந்த லட்சுமணன் அங்கிருந்து தப்பிவந்து பீளமேடு காவல் நிலையத்தில் புகாா் அளித்தாா். வழக்குப் பதிவு செய்த போலீஸாா், இது தொடா்பாக பெரியகுளம் பகுதியைச் சோ்ந்த வைத்தீஸ்வரி (30), தூத்துக்குடியைச் சோ்ந்த கீதா ஆகியோரை கைது செய்தனா். தலைமறைவாக உள்ள ஜெபின், சூா்யா ஆகியோரை போலீஸாா் தேடி வருகின்றனா்.
