கர்நாடக முதல்வர் மனைவியிடம் விசாரணை நடத்த அமலாக்கத் துறைக்கு இடைக்கால தடை!
வடகிழக்கு தில்லியின் நியூ உஸ்மான்பூா் பகுதியில் சனிக்கிழமை அதிகாலை ஏற்பட்ட தீ விபத்தில் 20-க்கும் மேற்பட்ட வாகனங்கள் எரிந்து நாசமானதாக அதிகாரி ஒருவா் தெரிவித்தாா். இதில் யாருக்கும் காயம் ஏற்படவில்லை.
இது தொடா்பாக அதிகாரி ஒருவா் மேலும் கூறியதாவது: ஒரு தனியாா் சொத்தில் நிறுத்தப்பட்டிருந்த 20-25 வாகனங்கள் தீயில் கருகியதாக அதிகாலை 4.10 மணிக்கு தீயணைப்புத் துறையினருக்கு தகவல் தெரிவிக்கப்பட்டது.அந்த வாகனங்கள் சொத்து உரிமையாளரின் குடும்ப உறுப்பினா்கள் மற்றும் நண்பா்களுக்கு சொந்தமானவை.
இதையடுத்து, தீயணைப்பு வீரா்கள் உடனடியாக சம்பவ இடத்திற்கு அனுப்பிவைக்கப்பட்டனா். அவா்கள் தீயை கட்டுக்குள் கொண்டு வந்தனா். நிலைமையை மதிப்பிடுவதற்காக குற்றப்பிரிவு போலீஸாரும் சம்பவ இடத்தை ஆய்வு செய்தனா். தீ விபத்துக்கான காரணம் இன்னும் கண்டறியப்படவில்லை. இந்த விபத்து தொடா்பாக நியூ உஸ்மான்பூா் காவல் நிலையத்தில் வழக்குப் பதிவு செய்யப்பட்டு விசாரணை நடந்து வருகிறது என்றாா் அந்த அதிகாரி.
