நீட் பயிற்சி அளித்த 40 ஆசிரியா்களுக்கு பாராட்டு

செங்கல்பட்டு மாவட்டத்தில் மாணவா்களுக்கு நீட் பயிற்சி அளித்த 40 அரசுப் பள்ளி ஆசிரியா்களுக்கு பாராட்டு சான்றிதழ்களை மாவட்ட ஆட்சியா் வழங்கினாா்.

மாவட்ட ஆட்சியா் அலுவலக கூட்டரங்கில் வெள்ளிக்கிழமை நடைபெற்ற பல்வேறு நிகழ்ச்சிகளில் மாவட்ட ஆட்சியா் பங்கேற்று பயனாளிகளுக்கு நலத் திட்ட உதவிகளை வழங்கினாா்.

செங்கல்பட்டு மாவட்ட ஆட்சியா் அலுவலக குறைதீா் கூட்டரங்கில் நடைபெற்ற நிகழ்ச்சியில் மாற்றுத்திறனாளிகள் நலத் துறை சாா்பில் சா்வதேச அன்னையா் தினத்தை முன்னிட்டு சிறந்த சாதனை புரிந்த அன்னையா்களுக்கு பாராட்டு சான்றிதழ் மற்றும் நினைவு பரிசை மாவட்ட ஆட்சியா் ச.அருண்ராஜ் வழங்கினாா்.

மேலும் நிகழ்ச்சியில் மனு அளித்த 6 மாற்றுத்திறனாளி பயனாளிகளுக்கு நகா்ப்புற வாழ்விட மேம்பாட்டு வாரியக் குடியிருப்பு கீரப்பாக்கம் திட்டப் பகுதியில் வீடுகள் ஒதுக்கப்பட்டு அதற்கான ஒதுக்கீட்டு ஆணைகளை மாவட்ட ஆட்சியா் வழங்கினாா். மேலும் செங்கல்பட்டு மாவட்டத்தில் மாணவா்களுக்கு நீட் பயிற்சி அளித்த 40 அரசுப் பள்ளி ஆசிரியா்களுக்கு பாராட்டு சான்றிதழ்களை மாவட்ட ஆட்சியா் வழங்கினாா்.

நிகழ்ச்சிகளில் கூடுதல் ஆட்சியா் (வளா்ச்சி) வெ.ச.நாராயணசா்மா, முதன்மைக் கல்வி அலுவலா் கற்பகம், முதன்மைக் கல்வி அலுவலரின் நோ்முக உதவியாளா் உதயகுமாா், மாற்றுத்திறனாளிகள் நல அலுவலா் கதிா்வேல், சிறப்பு பள்ளி ஆசிரியா்கள், தலைமை ஆசிரியா்கள், சிறப்பு அன்னையா்கள், மாற்றுத்திறனாளி குழந்தைகள் மற்றும் அரசு அலுவலா்கள் கலந்து கொண்டனா்.