நீதித் துறையில் ஊழல் பொதுமக்களின் நம்பிக்கையை பாதிக்கும்: தலைமை நீதிபதி கவாய்

‘நீதித் துறையில் ஊழல் மற்றும் தவறான செயல்பாடுகள் இடம்பெறுவது அதன் மீதான பொதுமக்களின் நம்பிக்கையில் எதிா்மறை தாக்கத்தை ஏற்படுத்தும் என்பதோடு, ஒட்டுமொத்த நீதித் துறையின் நோ்மை மீதான நம்பிக்கையையும் சிதைத்துவிடும்’ என்று உச்சநீதிமன்றத் தலைமை நீதிபதி பி.ஆா்.கவாய் தெரிவித்தாா்.

தில்லி உயா்நீதிமன்ற நீதிபதி யஷ்வந்த் வா்மா வீட்டில் கட்டு கட்டாக பணம் கண்டறியப்பட்ட பெரும் சா்ச்சையை ஏற்படுத்தியுள்ள சூழலில், இக் கருத்தை தலைமை நீதிபதி தெரிவித்துள்ளாா்.

பிரிட்டன் உயா்நீதிமன்றத்தில் ‘நீதித் துறையின் சட்டபூா்வ தன்மை மற்றும் பொது நம்பிக்கையைப் பராமரித்தல்’ என்ற தலைப்பில் புதன்கிழமை நடைபெற்ற வட்டமேஜை மாநாட்டில் பங்கேற்ற அவா் இதுகுறித்துப் பேசியதாவது:

ஒவ்வோா் அமைப்பும் வலுவான நடைமுறைகளைக் கொண்டுள்ளபோதும், தொழில்முறையில் தவறான நடத்தை தொடா்பான பிரச்னைகளுக்கு உள்ளாகின்றன. துரதிருஷ்டவசமாக நீதித் துறைக்குள்ளும் இதுபோன்ற சம்பவங்கள் நடைபெறுகின்றன.

இதுபோன்ற நடத்தைகள் பொதுமக்களின் நம்பிக்கை மீது எதிா்மறை தாக்கத்தை ஏற்படுத்தும் என்பதோடு, ஒட்டுமொத்த நீதித் துறையின் நோ்மை மீதான நம்பிக்கையையும் சிதைத்துவிடும். இதுபோன்ற நடத்தைகளுக்கு எதிராக தீா்க்கமான, வெளிப்படையான நடவடிக்கைகள் மூலம் பொதுமக்களின் நம்பிக்கையை மீட்டெடுக்க முடியும்.

அந்த வகையில், நீதித் துறையில் ஊழல், தவறான நடத்தைகள் தொடா்பான சம்பவங்கள் வெளிச்சத்துக்கு வரும்போதெல்லாம் உரிய உடனடி நடவடிக்கைகளை உச்சநீதிமன்றம் மேற்கொண்டு வருகிறது.

மேலும், நீதிபதிகள் பணி ஓய்வு பெற்றவுடன் அரசாங்கத்தில் மற்றொரு நியமனங்களை மேற்கொள்வது அல்லது தோ்தலில் போட்டியிடுவதற்காக நீதிபதி பதவியை ராஜிநாமா செய்வது நீதித் துறை மீதான பொதுமக்கள் நம்பிக்கையைப் பாதிக்க வாய்ப்புள்ளது. அதன் காரணமாக, நானும், சக ஊழியா்கள் சிலரும் பணி ஓய்வுக்குப் பிறகு எந்தவித அரசுப் பதவியையும் ஏற்க மாட்டோம் என பகிரங்கமாக உறுதியளித்துள்ளோம். நீதித் துறையின் நம்பகத்தன்மை மற்றும் சுதந்திரத்தைப் பாதுகாக்கும் முயற்சியாக இந்த உறுதிப்பாட்டை எடுத்துள்ளோம்.

ஒவ்வொரு ஜனநாயகத்திலும் நீதித் துறையை அதன் சட்டபூா்வ தன்மை மற்றும் பொது நம்பிக்கை அடிப்படையில், நீதி வழங்குவதற்கான நிறுவனமாக மட்டுமின்றி, உண்மையான ஆட்சி அதிகாரத்தை நிலைநாட்டுவதற்குத் தகுதியான நிறுவனமாகவும் பாா்க்க வேண்டும் என்றாா்.

கொலீஜியம் முறையே சரியானது: உச்சநீதிமன்ற, உயா்நீதிமன்ற நீதிபதிகள் நியமனத்துக்கான கொலீஜியம் நடைமுறைக்கு மத்திய பாஜக அரசு எதிா்ப்பு தெரிவித்துவரும் சூழலில், கொலீஜியம் நியமன முறையே சரியானது என மாநாட்டில் தலைமை நீதிபதி கவாய் சுட்டிக்காட்டினாா்.

உச்சநீதிமன்றம், உயா்நீதிமன்றங்களில் நீதிபதிகளை நியமிப்பதில் இறுதி முடிவை எடுக்கும் அதிகாரம் கடந்த 1993-ஆம் ஆண்டு வரை அரசிடம் இருந்தது. அப்போது, உச்சநீதிமன்றத் தலைமை நீதிபதி நியமனத்தில் மூத்த நீதிபதிகளுக்கு மரபுக்கு மாறாக இரண்டு முறை வாய்ப்பு மறுக்கப்பட்டது.

இதுபோன்ற, அரசு மற்றும் அரசு அதிகாரிகளின் தலையீட்டைக் குறைத்து, நீதிபதிகள் நியமனத்தில் நீதித் துறையின் தன்னாட்சியை உறுதிப்படுத்தவதே கொலீஜியம் நடைமுறை. இந்த நடைமுறை மீது விமா்சனங்கள் இருக்கலாம்; ஆனால், எந்தவொரு தீா்வும் நீதித் துறை சுதந்திரத்தைப் பறித்துவிடக் கூடாது. நீதிபதிகள் எந்தவித புறக் கட்டுப்பாடுகளும் இன்றி சுதந்திரமாக செயல்பட வேண்டும் என்றாா் தலைமை நீதிபதி கவாய்.