நெல் சாகுபடி போட்டியில் பங்கேற்க விவசாயிகளுக்கு அழைப்பு

நெல் சாகுபடி போட்டியில் பங்கேற்க விவசாயிகளுக்கு அழைப்பு விடுக்கப்பட்டுள்ளது.

இதுகுறித்து ஈரோடு மாவட்ட வேளாண் இணை இயக்குநா் எம்.தமிழ்ச்செல்வி வெளியிட்ட செய்திக் குறிப்பு:

வேளாண்மைத் துறையின் மூலம் 2024-25-ஆம் ஆண்டுக்கான நெல் சாகுபடியில் திருந்திய நெல் சாகுபடி தொழில்நுட்பத்தினை கடைப்பிடித்து மாநிலத்திலேயே அதிக உற்பத்தி திறன் பெறும் விவசாயிகளுக்கு நாராயாணசாமி நாயுடு நெல் உற்பத்தி திறனுக்கான விருது வழங்கப்படுகிறது.

இப்போட்டியில் கலந்து கொண்டு மாநில அளவில் வெற்றி பெறும் விவசாயிக்கு ரூ.5 லட்சம் சிறப்பு பரிசு மற்றும் ரூ.7,000 மதிப்புள்ள பதக்கம் வழங்கப்படும். இப்பயிா் விளைச்சல் போட்டியில் போட்டியிடும் விவசாயி சொந்தமாகவோ அல்லது குத்தகையாகவோ குறைந்தபட்சம் 2 ஏக்கா் பரப்பளவில் திருந்திய நெல் சாகுபடி செய்பவராக இருக்க வேண்டும்.

இப்போட்டியில் பங்கு பெறும் விவசாயிகளின் வயலில் குறைந்தபட்சம் 50 சென்ட் அளவில் பயிா் அறுவடை மேற்கொள்ளப்படும். மேலும் விவசாயிகள் அரசால் அங்கீகரிக்கப்பட்ட நெல் ரகங்களை (சன்ன இரகம்) மட்டுமே பயிா் செய்திருக்க வேண்டும்.

இப்பயிா் விளைச்சல் போட்டியில் பங்கு பெற விரும்பும் விவசாயிகள் வட்டார வேளாண்மை உதவி இயக்குநரை அணுகி பூா்த்தி செய்யப்பட்ட விண்ணப்பத்துடன் பதிவுக் கட்டணமாக ரூ.150 செலுத்தி பதிவுசெய்து கொள்ள வேண்டும்.

வெற்றியாளா்களை அறிவிப்பதில் வேளாண்மை இயக்குநா் தலைமையிலான மாநில அளவிலான குழுவின் முடிவே இறுதியானது. இதனால் விவசாயிகள் அனைவரும் இப்போட்டியில் கலந்துகொண்டு பயன்பெறலாம் என தெரிவிக்கப்பட்டுள்ளது.