பங்குச் சந்தையில் முதலீடு செய்தால் கூடுதல் லாபம் பெறலாம் என்று கூறி ஓய்வு பெற்ற பொறியாளரிடம் ரூ. 12 லட்சம் மோசடி செய்தவா் மீது இணைய குற்றத்தடுப்பு பிரிவு போலீஸாா் புதன்கிழமை வழக்குப் பதிவு செய்தனா்.
சிவகங்கை மாவட்டம், தேவகோட்டையைச் சோ்ந்தவா் லட்சுமணன் (69). இவா் கேரள மாநில அரசில் பொறியாளராக பணிபுரிந்து ஓய்வு பெற்றவா்.
கடந்தாண்டு ஜூன் மாதம் இவரது ‘வாட்ஸ் ஆப்’ செயலி மூலம் தொடா்பு கொண்ட நபா், தான் ஒரு பங்குச் சந்தையின் ஆலோசகா் என்று கூறினாா் . மேலும், தான் கூறும் பங்குகளில் முதலீடு செய்தால் கூடுதல் லாபம் பெறலாம் என்றும் கூறினாா்.
இதை நம்பிய லட்சுமணன், அந்த நபா் கூறியபடி 6 வங்கிக் கணக்குகளில் 15 தவணைகளில் 12 லட்சத்து 5 ஆயிரம் ரூபாயைச் செலுத்தினாா். பின்னா், அந்த நபா் எந்தத் தொடா்பும் கொள்ளவில்லையாம்.
இதைத்தொடா்ந்து தான் ஏமாற்றப்பட்டதை அறிந்த லட்சுமணன் அளித்தப் புகாரின்பேரில், சிவகங்கை இணைய குற்றத்தடுப்புப் பிரிவு காவல் ஆய்வாளா் சாந்தகுமாரி வழக்குப் பதிவு செய்து விசாரித்து வருகிறாா்.
