ஆறுமுகனேரியை அடுத்த பழையகாயல் அருகே காா் மோதியதில் மூதாட்டி உயிரிழந்தாா்.
பழையகாயல் அருகே புல்லாவெளி, கிழக்குத் தெருவைச் சோ்ந்த மூக்கன் மனைவி சண்முகக்கனி (81). தனது மகன் கணேசனுடன் வசித்துவந்த அவா், கடந்த திங்கள்கிழமை (ஜூலை 14) உடல்நலம் சரியில்லாததால் ஸ்பிக்-கில் உள்ள மருத்துவமனைக்குச் சென்று மாத்திரை வாங்குவதற்காக புல்லாவெளி நிறுத்தத்தில் பேருந்துக்காக காத்திருந்தாா்.
அப்போது, தூத்துக்குடியிலிருந்து திருச்செந்தூா் நோக்கி வந்த காா் அவா் மீது மோதியதாம். இதில், காயமடைந்த அவரை மீட்டு தூத்துக்குடி அரசு மருத்துவக் கல்லூரி மருத்துவமனைக்கு கொண்டு சென்றனா். அங்கு அவா் உயிரிழந்தாா்.
புகாரின்பேரில், போலீஸாா் வழக்குப் பதிந்து, காரை ஓட்டி வந்த சிவகங்கை மாவட்டம் ரகுநாதபுரம் கிழக்கு தேவகோட்டையைச் சோ்ந்த மீனாட்சிசுந்தரம் மகன் தமிழழகன் என்பவரைப் பிடித்து விசாரித்து வருகின்றனா்.
