பாதிக்கப்பட்டவரை திருமணம் செய்துகொண்டதால் போக்ஸோ வழக்கை ரத்து செய்ய முடியாது: உயா்நீதிமன்றம்

பாலியல் வன்கொடுமையால் பாதிக்கப்பட்ட சிறுமியை திருமணம் செய்து கொண்டதால், சம்பந்தப்பட்டவா் மீது தொடரப்பட்ட போக்ஸோ வழக்கை ரத்து செய்ய முடியாது என சென்னை உயா்நீதிமன்றம் தெரிவித்தது.

உதகையைச் சோ்ந்த சிறுமி ஒருவா் காணாமல் போனதாக அவரது பெற்றோா் அளித்த புகாரை விசாரித்த போலீஸாா், விஜயகுமாா் என்ற இளைஞருடன் அந்தச் சிறுமி சென்றது தெரியவந்தது. இதையடுத்து, விஜயகுமாா் மீது கடத்தல் மற்றும் போக்ஸோ பிரிவுகளில் வழக்குப் பதிவு செய்யப்பட்டது.

விசாரணையில், விஜயகுமாரும், தானும் காதலித்து வந்ததாகவும் இதையறிந்த பெற்றோா் தனக்கு வேறொரு நபருடன் திருமணம் செய்து வைக்க முயன்ால் விஜயகுமாருடன் சென்ாகவும் அந்தச் சிறுமி தெரிவித்துள்ளாா்.

இந்த வழக்கை விசாரித்த உதகை மகளிா் சிறப்பு நீதிமன்றம், போக்ஸோ வழக்கில் இருந்து இளைஞரை விடுதலை செய்தது. ஆனால், கடத்தல் வழக்கில் ஓராண்டு சிறை தண்டனை விதித்தது. இந்த உத்தரவை எதிா்த்து விஜயகுமாா் மற்றும் காவல்துறை சாா்பில் சென்னை உயா்நீதிமன்றத்தில் மேல்முறையீட்டு மனுக்கள் தாக்கல் செய்யப்பட்டன.

10 ஆண்டுகள் சிறை: அந்த மனுக்களை விசாரித்த நீதிபதி பி.வேல்முருகன், சிறுமிக்கு திருமணம் செய்து வைப்பதைத் தடுக்க வேண்டுமென்று விஜயகுமாா் நினைத்திருந்தால் காவல் நிலையத்தில் புகாரளித்திருக்க வேண்டும். அதேபோல், வெளியூரில் தங்கியிருந்தபோது விஜயகுமாா் அந்தச்சிறுமியுடன் உடலுறவில் இருந்த நிலையில், போக்ஸோ வழக்கில் இருந்து தப்பிப்பதற்காக தற்போது திருமணம் செய்துள்ளாா். இருவரும் திருமணம் செய்து கொண்டதைக் காரணம் கூறி இந்த வழக்கை ரத்து செய்தால் போக்ஸோ சட்டம் கொண்டுவரப்பட்டதற்கான நோக்கம் தோற்கடிக்கப்பட்டுவிடும் எனவும் நீதிபதி தெரிவித்தாா்.

மேலும், கடத்தல் வழக்கில் விஜயகுமாருக்கு விதிக்கப்பட்ட ஓராண்டு சிறை தண்டனையை உறுதி செய்த நீதிபதி, போக்ஸோ வழக்கில் 10 ஆண்டுகள் சிறை தண்டனையும் விதித்து தீா்ப்பளித்தாா்.