`பாதி நீயே என் பாதி நீயே!' - காதலை அறிவித்த விஜே சங்கீதா - அரவிந்த் சேஜூ!

`கனா காணும் காலங்கள்' வெப் சீரிஸில் மலர் கதாபாத்திரத்தில் நடித்தவர் நடிகை சங்கீதா. சில தனிப்பட்ட காரணங்களால் அவர் அந்த சீரிஸில் இருந்து விலகினார். இரண்டாவது சீசனில் இருந்து வேறொருவர் மலர் கதாபாத்திரத்தில் நடித்துக் கொண்டிருக்கிறார். விஜே சங்கீதாவாக நமக்கு பரிச்சயமானவர் தற்போது நடிகையாக வலம் வந்து கொண்டிருக்கிறார்.

விஜய் டிவியில் ஒளிபரப்பான `தமிழும் சரஸ்வதியும்' தொடரிலும் சங்கீதா நடித்திருந்தார். `கனா காணும் காலங்கள்' வெப் சீரிஸில் கலை கதாபாத்திரத்தில் நடித்திருந்தவர் அரவிந்த் சேஜூ. இவர் சினிமாவிலும் நடித்திருக்கிறார். யூடியூப்பிலும் பரிச்சயமான முகம்.

`கனா காணும் காலங்கள்' வெப் சீரிஸில் நடித்திருந்த இவர்கள் இருவரும் தற்போது கணவன் - மனைவி ஆக இருக்கிறார்கள். சங்கீதா அவருடைய இன்ஸ்டாகிராம் பக்கத்தில்,

"வாழ்க்கையைத் தொடங்க நாட்களை எண்ணிக் கொண்டிருக்கிறேன்!" என்கிற கேப்ஷனுடன் தங்களுடைய காதலை அறிவித்திருக்கிறார்.

`கனா காணும் காலங்கள்' சீரிஸில் நடித்திருந்த ராஜா வெற்றி பிரபு - தீபிகா திருமணம் நடைபெற்றிருந்தது. தற்போது அந்த சீரிஸில் நடித்திருந்த இவர்கள் தங்களுடைய திருமணத்தை அறிவித்திருக்கிறார்கள்.

இவர்களுக்குப் பலரும் வாழ்த்துகள் கூறி வருகின்றனர்.

வாழ்த்துகள் சங்கீதா - அரவிந்த்!