திருநெல்வேலி மாவட்டம் பாபநாசம் அருள்மிகு உலகாம்பிகை உடனுறை பாபநாச சுவாமி கோயிலில் சித்திரை விஷு திருவிழா சனிக்கிழமை கொடியேற்றத்துடன் தொடங்கியது.
முன்னதாக, வெள்ளிக்கிழமை அங்குராா்ப்பணம் நடைபெற்றது. இந்நிலையில், சனிக்கிழமை காலை கொடியேற்றம் நடைபெற்றது. இதையொட்டி, சுவாமி-அம்பாளுக்கு சிறப்பு அபிஷேகம், ஆராதனை, கொடிமரத்துக்கு பல்வேறு பொருள்களால் அபிஷேகங்கள், அலங்காரம், தீபாராதனைகள் நடைபெற்றன.
நிகழ்ச்சியில், இந்து சமய அறநிலையத் துறை செயல் அலுவலா் ராஜேந்திரன், கணக்கா் செந்தில், பணியாளா்கள், மண்டகப்படிதாரா்கள், திரளான பக்தா்கள் பங்கேற்றனா்.
தொடா்ந்து, நாள்தோறும் காலை, இரவில் பல்வேறு வாகனங்களில் அம்பாள் வீதியுலா நடைபெறும். 8ஆம் நாளான இம்மாதம் 12ஆம் தேதி காலை ஸ்ரீநடராஜா் கேடயத்தில் வெள்ளைசாத்தி, மாலை 4 மணிக்கு பச்சை சாத்தி அலங்காரத்தில் புறப்பாடு, 13ஆம் தேதி காலை 8 மணிக்கு சுவாமி-அம்பாள் தேருக்கு எழுந்தருளுதல், 9 மணிக்கு தேரோட்டம் ஆகியவை நடைபெறும்.
14ஆம் தேதி பிற்பகல் 1 மணிக்கு சித்திரை விஷு தீா்த்தவாரி, இரவு 8 மணிக்கு ஸ்ரீபாபநாசா்-உலகாம்பிகை தெப்ப உற்சவம், 15ஆம் தேதி அதிகாலை 1 மணிக்கு சுவாமி-அம்பாள் ரிஷப வாகனத்தில் திருமணக் கோலத்தில் அகஸ்திய முனிவருக்குக் காட்சி கொடுத்தல், காலை 8 மணிக்கு சுவாமி-அம்பாள் மரபு மண்டபத்துக்கு அழைத்துவருதல், நண்பகல் 12 மணிக்கு இறைவன்-இறைவியா்க்கு குடமுழுக்கு, பிற்பகல் 1 மணிக்கு அன்னம் பாலிப்பு, மாலை 5 மணிக்கு திருமுறை இன்னிசை, இரவு 8 மணிக்கு சுவாமி-அம்பாள் ரிஷப வாகன உலா ஆகியவை நடைபெறும்.
6 முதல் 9ஆம் நாள்வரை தேவார பாடசாலை மாணவா்களின் தேவாரப் பாராயணம், 7ஆம் நாள் ஆருத்ரா நாட்டியாலயா நாட்டிய நிகழ்ச்சி, 10ஆம் நாள் திருவாவடுதுறை ஆதீன சமய பரப்புநா் ஜா. கோமதி திருநாவுக்கரசு, பாரதிகண்ணன், எஸ்.எஸ். ராமபிரியா, எஸ்.எஸ். யாழினி ஆகியோரின் சமயச் சொற்பொழிவுகள் நடைபெறும்.
