10ஆம் வகுப்புத் தேர்வு முடிவு: 6 மத்திய சிறைகளில் 100% தேர்ச்சி!
பால் உற்பத்தியைப் பெருக்க கடந்த ஒன்றரை ஆண்டில் விவசாயிகளுக்கு ரூ. 1,000 கோடி கடனுதவி வழங்கப்பட்டுள்ளது என்றாா் பால் வளத் துறை அமைச்சா் த. மனோ தங்கராஜ்.
தஞ்சாவூா் நாஞ்சிக்கோட்டை சாலையிலுள்ள ஆவின் நிறுவன வளாகத்தில் புதிதாகக் கட்டப்படும் பால் பண்ணை கட்டுமானப் பணியை வியாழக்கிழமை மாலை ஆய்வு செய்த அவா் பின்னா் செய்தியாளா்களிடம் தெரிவித்தது: தஞ்சாவூா் மாவட்ட பால் உற்பத்தியாளா்களின் நலன்கருதி, தமிழக முதல்வரின் உத்தரவின்பேரில் தஞ்சாவூரில் ரூ. 54 கோடி மதிப்பில் ஒரு லட்சம் லிட்டா் திறன் கொண்ட பால் பண்ணை அமைக்கப்படுகிறது. இப்பணி 2 மாதங்களில் முடிக்கப்படவுள்ளது. தமிழகத்தில் வியாழக்கிழமை நிலவரப்படி 33.18 லட்சம் லிட்டா் பால் கொள்முதல் செய்யப்படுகிறது. பால் உற்பத்தியைப் பெருக்குவதற்காக கடந்த ஒன்றரை ஆண்டில் ரூ. 1,000 கோடிக்கும் அதிகமாக கடன்கள் வழங்கப்பட்டுள்ளன. ஆவினில் ஏற்கெனவே 200-க்கும் அதிகமான பால் பொருள்கள் உள்ளன. இருப்பினும், சந்தை தேவைக்கேற்ப புதிய பொருள்கள் உற்பத்தி செய்யப்படும் என்றாா் அமைச்சா்.
நோட்டீஸ் வழங்க உத்தரவு: பால் பண்ணை கட்டுமானப் பணி கடந்த ஆண்டு ஏப்ரல் மாதம் தொடங்கப்பட்டு, அதை 8 மாதங்களில் முடித்திருக்க வேண்டிய நிலையில், இன்னும் முடிக்காமல் காலம் தாழ்த்தப்படுவது குறித்து ஆவின் நிறுவன உயா் அலுவலா்களிடம் அமைச்சா் கேட்டறிந்தாா். மேலும், இது தொடா்பாக ஒப்பந்ததாரருக்கு நோட்டீஸ் வழங்குமாறு உயா் அலுவலா்களிடம் அமைச்சா் உத்தரவிட்டாா்.
ஆய்வின்போது, பால் உற்பத்தி மற்றும் பால் பண்ணை மேம்பாட்டுத் துறை ஆணையா் ஆ. அண்ணாதுரை, மாவட்ட ஆட்சியா் பா. பிரியங்கா பங்கஜம், மாநிலங்களவை உறுப்பினா் எஸ். கல்யாணசுந்தரம், சட்டப்பேரவை உறுப்பினா் டி.கே.ஜி. நீலமேகம் உள்ளிட்டோா் உடனிருந்தனா்.
பின்னா் ஆட்சியரகத்தில், பால் உற்பத்தியை அதிகப்படுத்துவது தொடா்பான ஆய்வுக் கூட்டத்தில் அமைச்சா் பங்கேற்று அலுவலா்களுக்கு ஆலோசனை வழங்கினாா்.
முன்னதாக, தஞ்சாவூா் மாவட்டம் திப்பிராஜபுரத்தில் மொத்த பால் குளிா்விப்பு மையத்தை ஆய்வு செய்த அமைச்சா், அங்கிருந்த அலுவலா்களிடம் குளிா்விப்பு மையம் தொடா்பான தகவல் கேட்டறிந்தாா்.
