பிக் பாஸ் வீட்டில் இருந்து வெளியேறிய ஜெஃப்ரியை நடிகை தர்ஷிகா நேரில் சந்தித்துள்ளார்.
இது தொடர்பான புகைப்படத்தையும் பகிர்ந்துள்ளார். இந்த புகைப்படங்கள் இணையத்தில் பலரால் பகிரப்பட்டு வருகிறது.
பிக் பாஸ் சீசன் 8 நிகழ்ச்சி 13வது வாரத்தை எட்டியுள்ளது. இறுதிக்கட்டத்தை நோக்கி பிக் பாஸ் வீடு சென்றுகொண்டுள்ளது. இந்நிகழ்ச்சியில் 24 போட்டியாளர்கள் பங்கேற்ற நிலையில், தற்போது 10 போட்டியாளர்கள் மட்டுமே எஞ்சியுள்ளனர்.
குறைந்த வாக்குகளைப் பெற்றதாக கடந்த வாரம் ஜெஃப்ரி பிக் பாஸ் வீட்டிலிருந்து வெளியேறினார். அதற்கு முன்பே நடிகை தர்ஷிகா பிக் பாஸ் வீட்டிலிருந்து வெளியேறினார்.
பிக் பாஸ் வீட்டில் போட்டியாளர்களாக பங்கேற்றவர்கள் அப்போட்டிக்கு பிறகு நண்பர்களாகத் தொடர்வது சற்று கடினமானது. பலரும் தங்கள் துறையில் வேலைபளுவில் இருப்பதால், சந்திப்பதற்கான வாய்ப்புகள் குறைவு.
இந்நிலையில், பிக் பாஸ் வீட்டில் இருந்து வெளியேறிய பிறகு ஜெஃப்ரியை நடிகை தர்ஷிகா நேரில் சந்தித்துள்ளார். அவர்கள் இருவரும் புகைப்படங்களையும் எடுத்துக்கொண்டனர். இது தொடர்பான படங்கள் இணையத்தில் பலரால் பகிரப்பட்டு வருகிறது.
இதையும் படிக்க | பிக் பாஸ் 8: இளம் தலைமுறை போட்டியாளர்களுக்கு வழிகாட்டியாக மாறும் தீபக்!
