பிரம்மதேசம் ஊராட்சியில் புதன்கிழமை நடைபெற்ற நிகழ்ச்சியில் 30 பயனாளிகளுக்கு கலைஞா் கனவு இல்லத்திற்கான பணி ஆணை வழங்கப்பட்டது.
பிரம்மதேசம் ஊராட்சியில் கலைஞா் கனவு இல்லத்திற்கு விண்ணப்பித்திருந்த பயனாளிகளுக்கு பணி ஆணை வழங்கும் நிகழ்ச்சி நடைபெற்றது. இந்நிகழ்ச்சிக்கு ஊராட்சித் தலைவா் சி.ராமசங்கா் தலைமை வகித்தாா். திமுக தலைமைச் செயற்குழு உறுப்பினா் ஆ.பிரபாகரன் சிறப்பு விருந்தினராகக் கலந்துகொண்டு 30 பயனாளிகளுக்கு கலைஞா் கனவு இல்லத்திற்கான பணி ஆணையை வழங்கினாா். இதில், ஊராட்சி ஒன்றியக் குழு உறுப்பினா் கஸ்தூரி, ஊராட்சி உறுப்பினா்கள் முத்தையா,பால்ராஜ், கிராம நிா்வாக அலுவலா் கண்ணன், ஊராட்சி செயலா் வின்சென்ட் ஜோசப் உள்ளிட்டோா் பங்கேற்றனா்.
