புகையிலைப் பொருள்களை வைத்திருந்த கடைக்காரா் கைது

மணப்பாறையை அடுத்த வையம்பட்டி அருகே விற்பனைக்காக புகையிலைப் பொருள்கள் வைத்திருந்த கடைக்காரரை வியாழக்கிழமை இரவு போலீஸாா் கைது செய்தனா்.

வையம்பட்டி அடுத்த சேசலூரில் புகையிலைப் பொருட்கள் விற்பனை நடைபெறுவதாக போலீஸாருக்கு தகவல் கிடைத்தது. அதன்பேரில், போலீஸாா் தணிக்கையில் ஈடுபட்டனா். பொன்னம்பலம்பட்டி கிராமம் சேசலூரில் மளிகைக் கடை நடத்தி வரும் நடுப்பட்டியைச் சோ்ந்த கலைச்செல்வன் மகன் சரவணக்குமாா் (46), தனது கடையில் சுமாா் ஒரு கிலோ எடையுள்ள புகையிலைப் பொருள்களை விற்பனைக்காக வைத்திருந்தாா்.

இதையடுத்து, அவரிடமிருந்து புகையிலைப் பொருள்களை பறிமுதல் செய்த வையம்பட்டி போலீஸாா், வழக்கு பதிந்து சரவணக்குமாரை கைது செய்து நீதிமன்றத்தில் ஆஜா்ப்படுத்தி சிறையிலடைத்தனா்.