புதுக்கோட்டையில் மர்ம நபர்களால் நடுரோட்டில் இளைஞர் படுகொலை

புதுக்கோட்டை மாவட்டம், மழையூர் கீழப்பட்டியைச் சேர்ந்தவர் முருகேசன் (வயது 25) கூலி வேலை செய்து வருகிறார்.

இந்நிலையில், நேற்று (ஏப்ரல் 5) மழையூர் அரசு தொடக்கப்பள்ளியில் இவரது அண்ணன் மகள் ஆண்டு விழாவில் பங்கேற்பதைப் பார்த்துவிட்டு மீண்டும் வீடு திரும்பிய போது கீழப்பட்டி டாஸ்மார்க் கடை அருகில் வரும் பொழுது மர்ம நபர்கள் இவரை மறித்து அரிவாளால் வெட்டி படுகொலை செய்து விட்டுத் தப்பி ஓடிவிட்டனர்.

இது குறித்த தகவல் அறிந்த மழையூர் காவல் நிலைய போலீஸார், சம்பவ இடத்திற்கு விரைந்து சென்று இளைஞர் முருகேசனின் உடலைக் கைப்பற்றி உடற்கூராய்வு மேற்கொள்வதற்காகப் புதுக்கோட்டை அரசு மருத்துவக் கல்லூரி மருத்துவமனைக்கு அனுப்பி வைத்தனர்.

மேலும், முருகேசன் படுகொலை செய்யப்பட்ட சம்பவத்தைக் கேள்விப்பட்ட அவரது குடும்பத்தினர் மற்றும் உறவினர்களும் மலையூரில் சாலை மறியலில் ஈடுபட்டனர்.

இது குறித்து, தகவல் அறிந்த புதுக்கோட்டை மாவட்ட கண்காணிப்பாளர் அபிஷேக் குப்தா சம்பவ இடத்திற்குச் சென்று சாலை மறியல் ஈடுபட்டவர்களிடம் பேச்சுவார்த்தை நடத்தி விசாரணை மேற்கொண்டார்.

இந்நிலையில், முருகேசனை அரிவாளால் வெட்டி படுகொலை செய்த நபர்களுக்கும், இவருக்கும் ஏற்கனவே முன் விரோதம் உள்ளதா அல்லது வேறு ஏதும் காரணம் உள்ளதா என்பது குறித்து பல்வேறு கோணங்களில் போலீஸார் வழக்குப்பதிவு செய்து விசாரணை நடத்தி வருகின்றனர்.

இளைஞர் ஒருவர் மர்ம நபர்களால் அரிவாளால் வெட்டி படுகொலை செய்யப்பட்ட சம்பவம் புதுக்கோட்டை மாவட்டத்தில் பெரும் பரபரப்பை ஏற்படுத்தியுள்ளது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்https://bit.ly/3OITqxs

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3OITqxs