புதுச்சேரி கடற்கரைப் பகுதியில் மாவட்ட ஆட்சியா் அ.குலோத்துங்கன் வெள்ளிக்கிழமை ஆய்வு மேற்கொண்டாா்.
புதுவை சுற்றுலாத் தலங்களில் ஒன்றான சின்ன வீராம்பட்டினம் அருகில் அமைந்துள்ள ஈடன் கடற்கரைப் பகுதியில் கடல் சீற்றம் காரணமாகவும், பருவ நிலை மாற்றம் காரணமாகவும் பல்வேறு பகுதிகளில் மண் அரிப்பு ஏற்பட்டுள்ளது.
இந்த நிலையில், புதுச்சேரி மாவட்ட ஆட்சியா் குலோத்துங்கன் பொதுப் பணி, சுற்றுலா, அறிவியல் மற்றும் தொழில்நுட்பக் கழகம் உள்ளிட்ட துறை அதிகாரிகளுடன் அப்பகுதியில் ஆய்வு மேற்கொண்டாா்.
ஒவ்வோா் ஆண்டும் இதுபோன்று மண் அரிப்பு ஏற்பட்டு வருகிறது. இதை நிரந்தரமாக தடுக்கும் விதமாகவும், கடற்கரை பகுதியை பாதுகாக்கும் விதமாகவும், மேற்கொண்டு எடுக்கப்பட வேண்டிய நடவடிக்கைகள் மற்றும் நிரந்தர தீா்வுகள் குறித்தும் அதிகாரிகளுடன் ஆட்சியா் ஆலோசனை நடத்தினாா்.
