செய்திகள் :

புத்திசாலித்தனமான லோகேஷ் கனகராஜ் படம்... கூலி குறித்து அனிருத்!

post image

நடிகர் ரஜினியின் கூலி திரைப்படம் மீது மிகுந்த எதிர்பார்ப்பு இருப்பதாக இசையமைப்பாளர் அனிருத் கூறியுள்ளார்.

இயக்குநர் லோகேஷ் கனகராஜ் இயக்கத்தில் நடிகர் ரஜினிகாந்த் நடிப்பில் உருவாகியுள்ள கூலி திரைப்படம் வருகிற ஆகஸ்ட் 14 ஆம் தேதி திரைக்கு வருகிறது.

இப்படத்தின் டிரைலர் நாளை (ஆக. 2) வெளியாகவுள்ளதால் படத்தின் மீதான எதிர்பார்ப்புகளும் அதிகரித்து வருகின்றன.

சண்டைக் காட்சிகள் இருப்பதால், இப்படத்திற்கு யு / ஏ சான்றிதழ் வழங்கப்பட்டிருக்கலாம் எனத் தகவல்கள் தெரிவிக்கின்றன.

கூலி திரைப்படம் 2.50 மணி நேரம் கால அளவு கொண்ட திரைப்படமாக உருவாகியுள்ளதாகவும் தகவல்கள் தெரிவிக்கின்றன.

மிகுந்த எதிர்பார்ப்பில் கூலி

இந்நிலையில், நேர்காணல் ஒன்றில் அனிருத் பேசியதாவது:

இந்தியாவின் சிறந்த இயக்குநர்களில் ஒருவராக லோகேஷ் கனகராஜ் இருக்கிறார்.

நான் மிகுந்த எதிர்பார்ப்பை உருவாக்க நினைக்கவில்லை. ஆனால், படம் லோகேஷின் பலத்தை நம்பி உருவாகியுள்ளது. அவரது உலகத்தில் தலைவர் ரஜினி சார் இருந்தால் எப்படி இருக்கும் என்பதுதான் சுவாரசியமாக இருக்கிறது.

புத்திசாலித்தனமான படம்

நானும் லோகேஷ் கனகராஜ் சேர்ந்தாலே எதிர்பார்ப்பு அதிகமிருக்கும். தற்போது ரஜினி சாரும் இருப்பதால் அது பல மடங்கு அதிகரித்துள்ளது. அதுமட்டுமில்லாமல் பல நட்சத்திரங்கள் இதில் நடித்துள்ளார்கள்.

இதுவரை 3 பாடல்கள், 5 பேரின் பின்புற காட்சிகள் மட்டுமே வெளியாகியுள்ளன. டீசர், டிரைலர் இல்லாமலே இவ்வளவு எதிர்பார்ப்பு இருக்கிறது.

இந்தப் படம் லோகேஷ் கனகராஜின் புத்திசாலித்தனமாக படமாக இருக்கும். இதன் திரைக்கதை மிகவும் அழகாக இருக்கிறது என்றார்.

Music composer Anirudh has said that he has high expectations for actor Rajinikanth's film Coolie.

இதற்குமேல் என்ன கேட்பது..!? தேசிய விருது குறித்து அட்லீ!

ஜவான் படத்துக்காக தேசிய விருது பெற்ற ஷாருக் கான் குறித்து இயக்குநர் அட்லீ நீண்டதாக காதல் கடிதம் போல நெகிழ்ச்சியாகப் பதிவிட்டுள்ளார். சிறந்த நடிகருக்கான விருதை ஷாருக் கான் முதல்முதலாக ஜவான் படத்தின்மூல... மேலும் பார்க்க

மத நல்லிணக்கம் பேசிய அயோத்திக்கு தேசிய விருது தராதது ஏன்?

நடிகர் சசிகுமார் நடிப்பில் 2023-இல் வெளியான அயோத்தி படம் ஒரு தேசிய விருதுகூட பெறாதது தமிழ் ரசிகர்களிடையே அதிர்ச்சியை ஏற்படுத்தியுள்ளது. அறிமுக இயக்குநர் மந்திரமூர்த்தி இயக்கிய இந்தப் படம் தமிழில் மிகு... மேலும் பார்க்க

ஆடுஜீவிதம் எதனால் தேசிய விருது பெறவில்லை? ரசிகர்கள் ஆதங்கம்!

ஆடுஜீவிதம் திரைப்படம் எதனால் தேசிய விருது பெறவில்லை தேர்வுக்குழுமை சினிமா ரசிகர்கள் சமூக வலைதளங்களில் கேள்வி எழுப்பி வருகிறார்கள். மலையாளத்தில் மிகவும் புகழ்பெற்ற ஆடுஜீவிதம் நாவல் (தி கோட் லைஃப்) அதே ... மேலும் பார்க்க

பறந்து போ படத்தின் ஓடிடி வெளியீட்டுத் தேதி அறிவிப்பு!

பறந்து போ படத்தின் ஓடிடி வெளியீட்டுத் தேதி அதிகாரப்பூர்வமாக அறிவிக்கப்பட்டுள்ளது.இயக்குநர் ராம் இயக்கத்தில் நடிகர்கள் சிவா, கிரேஸ் ஆண்டனி, அஞ்சலி, மிதுல் ரியான் நடிப்பில் வெளியான ‘பறந்து போ’ திரைப்படம... மேலும் பார்க்க

தேசிய விருது பெற்ற ஜி.வி.பிரகாஷ்! தனுஷுக்கு நன்றி!

2023 ஆம் ஆண்டில் வெளியான திரைப்படங்களுக்கான தேசிய விருதுகள் இன்று அறிவிக்கப்பட்டது. இவற்றில் சிறந்த இசையமைப்பாளராக ஜி.வி. பிரகாஷ் (வாத்தி படத்துக்காக) விருது பெற்றுள்ளார்.இரண்டாவது முறையாக தேசிய விருத... மேலும் பார்க்க