பெண்களுக்கு மாதம் ரூ.1,000, இலவச மின்சாரம்! கேஜரிவால் வெளியிட்ட தேர்தல் வாக்குறுதிகள்!

ஆம் ஆத்மியின் தேசிய ஒருங்கிணைப்பாளரும், தில்லியின் முன்னாள் முதல்வருமான அரவிந்த் கேஜரிவால், அடுத்தாண்டு நடைபெறும் தில்லி பேரவைத் தேர்தலுக்கான முக்கிய வாக்குறுதிகளை வெள்ளிக்கிழமை வெளியிட்டுள்ளார்.

தில்லியில் நடைபெறும் பேரவைத் தேர்தலுக்கு முன்னதாக, தனது கட்சியை வலுப்படுத்த அரவிந்த் கேஜரிவால், தீவிரப் பிரசாரத்தில் ஈடுபட்டுள்ளார். ‘ரேவ்தி பே சார்ச்சா’ (இலவசங்களுக்கான விவாதங்கள்) என்ற பெயரில் நவம்பர் 25 ஆம் தேதி முதல் டிசம்பர் 10 ஆம் தேதி வரை நடைபெறும் முதல்கட்ட பிரசாரத்தை நடத்தவுள்ளார்.

15 நாள்கள் நடைபெறும் இந்தப் பிரசாரப் பொதுக்கூட்டத்தில் மொத்தமாக 65 ஆயிரத்துக்கும் அதிகமான கூட்டங்கள் நடத்தப்படவுள்ளன. மேலும் இந்தக் கூட்டத்தில் 6 முக்கிய நலத்திட்டங்களை ஊக்குவிப்பது குறித்து விவாதிக்கப்படவுள்ளது.

இலவச மின்சாரம், குடிநீர், கல்வி, மருத்துவம், மொஹாலா கிளீனிக், இலவசப் பேருந்து, யாத்திரை செல்லும் பக்தர்களுக்கான திட்டம், பெண்களுக்கான மாதம் ரூ.1000 ஆகியவை வழங்கப்படும் என்று தெரிவிக்கப்பட்டுள்ளது