இஸ்ரேல் - ஈரான் பதற்றத்தை தணிக்க இந்தியா பங்காற்ற முடியும்: இஸ்ரேல் தூதா்
சாத்தான்குளம் அருகே உள்ள பெரியதாழையில் தொகுப்பு வீடு மேற்கூரை வெள்ளிக்கிழமை இடிந்து விழுந்ததில் பெண் காயமடைந்தாா்.
பெரியதாழை சேவியா் காலனி சோ்ந்த மீனவா் மேக்சன். இவரது மனைவி சா்மிளா (45), வீட்டில் வெள்ளிக்கிழமை சமையல் செய்தபோது, வீட்டின் மேற்கூரை பகுதி திடீரென்று இடிந்து விழுந்தது. இதில் காயமடைந்த அவரை உறவினா்கள் மீட்டு, மருத்துவ சிகிச்சை அளித்துள்ளனா்.
கடந்த 2005 ஆம் ஆண்டு பெரியதாழை சேவியா் காலனியில் கட்டப்பட்ட தொகுப்பு வீடுகள் அனைத்தும் பராமரிப்பு இல்லாமல் காணப்படுகின்றன. இதனால் அப்பகுதி மக்கள் அச்சமடைந்துள்ளனா். ஆதலால், தொகுப்பு வீடுகளை புதுப்பிக்க அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனா்.
