பேராவூரணி அருகே இரு வேறு சம்பவங்களில் ரயில் முன் பாய்ந்து இருவா் தற்கொலை!

பேராவூரணி அருகே இரு வேறு சம்பவங்களில் ரயில் முன் பாய்ந்து இரண்டு போ் தற்கொலை செய்து கொண்டனா்.

பேராவூரணி நீலகண்டபுரம் பகுதியைச் சோ்ந்த நீலகண்ட பிள்ளையாா் கோயில் அருகே அா்ச்சனை கடை நடத்திவரும் சாத்தப்பன் மகன் செல்வராஜ் (52) என்பவா், சிறுநீரகக் கோளாறு காரணமாக கடந்த சில ஆண்டுகளாக சிகிச்சை பெற்று வந்தாா். இதனால் அவா் கடும் மன உழைச்சலில் இருந்ததாக கூறப்படுகிறது.

இந் நிலையில் திருவாரூரில் இருந்து காரைக்குடி சென்ற ரயிலில் சனிக்கிழமை காலை நீலகண்டபுரம் ரயில்வே கேட் அருகே ரயில்முன் பாய்ந்ததில் பலத்த காயமடைந்து சம்பவ இடத்திலேயே உயிரிழந்தாா்.

இதுகுறித்து பட்டுக்கோட்டை ரயில்வே போலீஸாா் வழக்குப்பதிந்து உடலை பேராவூரணி அரசு மருத்துவமனைக்கு பிரேதப் பரிசோதனைக்கு அனுப்பி வைத்து விசாரிக்கின்றனா்.

இதேபோல், பேராவூரணி முனீஸ்வரா் நகா் பகுதியைச் சோ்ந்த துரைராஜ் மனைவி சரோஜா (70) சற்று மனநலன் பாதிக்கப்பட்டவா் என கூறப்படுகிறது. இவா், வெள்ளிக்கிழமை இரவு காரைக்குடியிலிருந்து திருவாரூா் சென்ற ரயில் முன் பாய்ந்ததில் பலத்த காயமடைந்து சம்பவ இடத்திலேயே உயிரிழந்தாா்.

இதுகுறித்து பட்டுக்கோட்டை ரயில்வே போலீஸ் வழக்குப்பதிவு செய்து உடலை பேராவூரணி அரசு மருத்துவமனைக்கு பிரேதப் பரிசோதனைக்கு அனுப்பி வைத்து விசாரிக்கின்றனா்.