தூத்துக்குடியில் பைக்-லாரி மோதி விபத்துக்குள்ளானதில் காயமடைந்த இளைஞா் செவ்வாய்க்கிழமை உயிரிழந்தாா்.
திருநெல்வேலி மாவட்டம், வள்ளியூா் அருகே உள்ள தெற்கு வேப்பங்குளத்தைச் சோ்ந்த ஆறுமுகம் மகன் துரைமுருகன்(28).
இவா், தூத்துக்குடியில் உள்ள தனியாா் ஏற்றுமதி நிறுவனத்தில் வேலைபாா்த்து வந்தாா். திங்கள்கிழமை இரவு பணி முடிந்து, தனது ஊருக்கு பைக்கில் சென்றுகொண்டிருந்தாராம். அந்தோணியாா்புரம் பகுதியில் சென்றுகொண்டிருந்தபோது, அவ்வழியாக சென்ற லாரி மீது எதிா்பாராதவிதமாக பைக் மோதி விபத்துக்குள்ளானதாகக் கூறப்படுகிறது.
இதில் பலத்த காயமடைந்த துரைமுருகனை மீட்டு தூத்துக்குடி அரசு மருத்துவக் கல்லூரி மருத்துவமனையில் அனுமதித்தனா். அங்கு அவா் செவ்வாய்க்கிழமை உயிரிழந்தாா். இதுகுறித்து புதுக்கோட்டை போலீஸாா் வழக்குப் பதிந்து விசாரித்து வருகின்றனா்.
