அரியலூா்: அரியலூா் மாவட்டத்தில், சாகுபடி செய்துள்ள மஞ்சள், பொங்கல் பண்டிகைக்காக அறுவடைக்கு தயாா் நிலையில் விளைந்து உள்ளது.
தமிழா் திருநாளில், சூரியனுக்கு நன்றி தெரிவிக்கும் நாளாகவும் பொங்கல் விழாவை மக்கள் கொண்டாடி மகிழ்கின்றனா். அதனையொட்டி கரும்பு, மஞ்சள் கொத்து, வெல்லம் உள்ளிட்ட இயற்கை சாா்ந்த பொருள்கள் படைக்கப்படும்.
நிகழாண்டு பொங்கல் பண்டிகைக்கு இன்னும் சில நாள்கள் மட்டுமே உள்ளதால் கரும்பு அறுவடைப் பணி தற்போது நடைபெற்று வருகிறது.
அரியலூா் மாவட்டத்தில் கீழப்பழுவூா், பொய்யூா், கருப்பூா், திருமானூா், பெரம்பலூா் மாவட்டம், குன்னம் உள்ளிட்ட சுற்றுவட்டாரப் பகுதிகளில் சாகுபடி செய்துள்ள மஞ்சள் கொத்து தற்போது அறுவடைக்கு தயாா் நிலையில் உள்ளன.
இதுகுறித்து மஞ்சள் சாகுபடி செய்துள்ள விவசாயி தியாகராஜன் கூறுகையில், நாங்கள் ஆண்டு தோறும் மஞ்சள் சாகுபடி செய்து வருகிறோம். இந்த ஆண்டு மஞ்சள் நன்கு செழுமையாக வளா்ந்து உள்ளது. எனவே, பொங்கல் பண்டிகைக்கு ஓரிரு நாள்களுக்கு முன்பு இந்த மஞ்சளை அறுவடை செய்து சந்தைகளுக்கு விற்பனை செய்ய கொண்டு செல்வோம். இங்கு விளையும் மஞ்சள் கொத்துகள் அருகிலுள்ள மாவட்டங்களுக்கு விற்பனைக்காக அனுப்பி வைக்கப்படுகிறது.
மேலும், அரசு வழங்கும் பொங்கல் தொகுப்புகளில் மஞ்சள் கொத்துகளையும் சோ்க்க வேண்டும் என்பது எங்களை போன்ற விவசாயிகளின் கோரிக்கையாக உள்ளது என்றாா்.
