TN Assembly : `வெளியேற்றப்பட்ட அதிமுக; வெளியேறிய காங்கிரஸ்...' சட்டசபையில் நடந்தது என்ன?

ஆளுநர் உரையுடன் சட்டப்பேரவை கூட்டத்தொடர் தொங்கும் என எதிர்பார்க்கப்பட்ட நிலையில், அவர் வந்த வேகத்தில் புறப்பட்டு சென்றிருக்கிறார்.

இன்று ஆளுநர், சட்டமன்றத்துக்கு வரும்போது தமிழ்த்தாய் வாழ்த்து மட்டும் பாடப்பட்டது. ஆளுநர் தேசிய கீதத்தைப் பாடுவதற்காக அவைத் தலைவர் மற்றும் மாண்புமிகு சபாநாயகர் மாண்புமிகு முதலமைச்சர் அவர்களுக்கு வேண்டுகோள் விடுத்தார். ஆனால், அவர்கள் மறுத்துவிட்டனர். இறுதியில் தான் தேசிய கீதம் பாடப்படும் என்றனர். இதனால் அவையில் இருந்து வெளியேறினார் ஆளுநர்.

இதனால் ஆளுநர் உரை இல்லாமலே கூட்டம் தொடங்கியது.

முன்னதாக சட்டசபை தொடங்கியதுமே வேல்முருகன் ஆளுநருக்கு எதிரான கோஷமிட்டார்.

தமிழ் தாய் வாழ்த்து முடிந்து, ஆளுநர் பேச தொடங்கிய சமயத்தில் அதிமுகவினர் அரசுக்கு எதிராகவும், வேல்முருகன்,காங்கிரஸ் கட்சியினர் ஆளுநருக்கு எதிராகவும் கோஷங்களை எழுப்பினர். இதனால் ஆளுநரால் தனது உரையை தொடர முடியவில்லை. அதே நேரத்தில் ஆளுநர் தேசிய கீதத்தை பாட வேண்டும் என்று சொல்லியும் அதற்கான எந்த நடவடிக்கையும் அங்கு மேற்கொள்ளப்படவில்லை.

இதனால் தனது உரையை நிகழ்தாமலேயே ஆளுநர் கிளம்பிவிட்டார். காங்கிரஸ் கட்சியும் வெளிநடப்பு செய்திருக்கிறது. அதேபோல `யார் அந்த சார்?' என்ற பதாகைகளை ஏந்தி சட்டப்பேரவையில் முழக்கமிட்ட அதிமுகவினர் வெளியேற்றப்பட்டுள்ளனர். முன்னதாக அதிமுக எம்எல்ஏக்கள் அனைவரும் யார் அந்த சார் என்று வாசகம் அடங்கிய ஸ்டிக்கரை சட்டையில் ஒட்டி இருந்தது குறிப்பிடத்தக்கது.