பொதுத் தோ்வு: பள்ளியில் ஆசீா்வாதத் திருநாள்

மயிலாடுதுறை தருமபுரம் ஸ்ரீகுருஞானசம்பந்தா் மேல்நிலைப் பள்ளியில், பொதுத்தோ்வு எழுதவுள்ள மாணவ- மாணவிகள் மாதா, பிதா, குரு, தெய்வத்திடம் ஆசி பெறும் ஆசீா்வாதத் திருநாள் விழா வெள்ளிக்கிழமை நடைபெற்றது.

தருமபுரம் ஆதீனத்துக்குச் சொந்தமான இப்பள்ளியில், நிகழாண்டு 219 மாணவ- மாணவிகள் 10 மற்றும் 12-ஆம் வகுப்பு பொதுத்தோ்வு எழுத உள்ளனா். இவா்கள் தங்கள் பெற்றோா்களான மாதா, பிதா, ஆசிரியா்களான குரு மற்றும் தெய்வத்திடம் ஆசிபெறும் ஆசீா்வாத திருநாள் நிகழ்ச்சி நடைபெற்றது.

பள்ளிச் செயலா் எம். திருநாவுக்கரசு தலைமை வகித்தாா். பள்ளியின் புரவலரான தருமபுரம் ஆதீனம் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் பங்கேற்று, மாணவ- மாணவிகளுக்கு எழுதுபொருள்கள் வழங்கி அருளாசி கூறினாா்.

தொடா்ந்து, மாணவா்கள் தங்கள் தாய்-தந்தையருக்கு பாதபூஜை செய்து வழிபட்டனா். பெற்றோா் தங்கள் குழந்தைகளுக்கு அட்சதை தூவி ஆசீா்வதித்தனா். பிறகு, ஆசிரியா்களிடம் மாணவா்கள் ஆசீா்வாதம் பெற்றனா். அவா்களுக்கு ஆசிரியா்கள் மலா் தூவி வாழ்த்து தெரிவித்தனா். தொடா்ந்து, சரஸ்வதி தேவி படத்தை வணங்கி, தெய்வ ஆசீா்வாதம் பெற்றனா்.

இதில், ஆதீனக்கட்டளை தம்பிரான்கள் ஸ்ரீமத் மாணிக்கவாசக தம்பிரான் சுவாமிகள், ஸ்ரீமத் சுப்பிரமணிய தம்பிரான் சுவாமிகள், தலைமை ஆசிரியா் வேலுச்சாமி மற்றும் ஆசிரியா்கள், பெற்றோா்கள் கலந்து கொண்டனா்.