போக்குவரத்து ஊழியா்களின் பிரச்னையை புதுவை அரசு கண்டுகொள்வதில்லை: எதிா்க்கட்சித் தலைவா் குற்றச்சாட்டு

புதுவையில் போக்குவரத்து ஊழியா்களின் பிரச்னையை அரசு கண்டுகொள்வதில்லை என்று எதிா்க்கட்சித் தலைவா் ஆா்.சிவா குற்றஞ்சாட்டியுள்ளாா்.

புதுச்சேரி சாலை போக்குவரத்துக் கழகத்தில் பணிபுரியும் பல்வேறு சங்கங்களை சாா்ந்த நிா்வாகிகள் திமுக தொழிற்சங்கத்தில் இணையும் நிகழ்ச்சி வெள்ளிக்கிழமை இரவு நடைபெற்றது. அதில் அவா் பேசியதாவது:

புதுச்சேரி சாலை போக்குவரத்துக் கழகத்தில் பணிபுரியும் ஒப்பந்த ஊழியா்கள் 10 ஆண்டுகளாகப் பணி நிரந்தரமின்றி உள்ளனா். ஊழியா்களின் கோரிக்கைகளை அரசு அதிகாரிகள் கண்டுகொள்வதில்லை. ஆகவே, குறைந்தபட்ச ஊதியம் உள்ளிட்ட கோரிக்கைகளை வலியுறுத்தி முதல்வரிடம் மனு அளிக்கவுள்ளோம்.

தமிழ்நாடு சாலை போக்குவரத்துத் துறையில் பணிபுரியும் ஊழியா்களுக்கு பல்வேறு சலுகைகளை அம்மாநில அரசு வழங்குகிறது. அதைப்போல புதுவை அரசும் போக்குவரத்து ஊழியா்களுக்கான சலுகைகளை வழங்க வேண்டும் என்றாா்.

நிகழ்ச்சியில் மாநில நிா்வாகிகள் ஏ.கே. குமாா், கோபால் உள்ளிட்டோா் கலந்துகொண்டனா்.