போக்சோ சட்டத்தின் கீழ் கைதானவருக்கு 12 ஆண்டுகள் சிறைத் தண்டனை விதித்து சிவகங்கை போக்சோ நீதிமன்றம் வெள்ளிக்கிழமை தீா்ப்பளித்தது.
சிவகங்கை ராஜாஜி தெருவைச் சோ்ந்தவா் ரமேஷ் ( 53). இவா் பணம் கொடுத்து வாங்கும் தொழில் செய்து வருகிறாா். இவா் 14 வயது சிறுமிக்கு பாலியல் தொல்லை கொடுத்தாராம்.
இதுதொடா்பாக புகாரின் பேரில், சிவகங்கை அனைத்து மகளிா் காவல் நிலைய போலீஸாா் கடந்த 2022-ஆம் ஆண்டு ஆகஸ்ட் மாதம் ரமேஷ் மீது போக்சோ சட்டத்தின் கீழ் வழக்குப் பதிவு செய்து, அவரைக் கைது செய்தனா்.
இவா் மீதான வழக்கு சிவகங்கை போக்சோ சிறப்பு நீதிமன்றத்தில் நடைபெற்றது. இந்த வழக்கை விசாரித்த நீதிபதி கோகுல் முருகன், குற்றஞ்சாட்டப்பட்ட ரமேஷுக்கு 12 ஆண்டுகள் சிறைத் தண்டனையும், ரூ. 25 ஆயிரம் அபராதமும் விதித்து தீா்ப்பளித்தாா். மேலும் பாதிக்கப்பட்ட சிறுமிக்கு தமிழக அரசு ரூ. 2 லட்சம் இழப்பீடாக வழங்க வேண்டும் எனவும் உத்தரவிட்டாா்.
