போதைப்பொருளுக்கு எதிரான போராட்டத்தில் 12 வழக்குகளில் 29 கடத்தல்காரா்களுக்கு தண்டனை: அமித்ஷா

நாட்டில் போதைப் பொருள் கடத்தல் கும்பல் இளைஞா்களை போதைப் பழக்கத்தின் இருண்ட படுகுழியில் தள்ளுகின்றனா்; இப்படிப்பட்ட பேராசைக் கும்பல்களை தண்டிப்பதில் மத்திய அரசு தீவிரமாக செயல்படுவதாக மத்திய உள்துறை அமைச்சா் அமித் ஷா ஞாயிற்றுக்கிழமை தெரிவித்துள்ளாா்.

இது குறித்து ’எக்ஸ்’ வலைத்தளத்தில் பதிவிட்டுள்ள அமித்ஷா, கீழ் நிலையிருந்து மேல்நிலை மற்றும் மேலிருந்து கீழ் நிலை வரையிலான உத்தியுடன், புலனாய்வுத் துறைகள் உறுதியான நுணுக்கமான நடவடிக்கைகளை மேற்கொண்டதின் விளைவாக நாடுமுழுக்க 12 வெவ்வேறு வழக்குகளில் 29 போதைப் பொருள் கடத்தல்காரா்கள் நிகழாண்டில் நீதிமன்றத்தால் தண்டிக்கப்பட்டுள்ளனா் எனவும் அதில் உள்துறை அமைச்சா் தெரிவித்தாா்.

அமித்ஷாவின் எக்ஸ் வலைத் தளப்பதிவையும் தண்டனைகளின் விரிவான பட்டியலையும் மத்திய உள்துறை அமைச்சகம் பின்னா் வெளியிட்டது. அது வருமாறு:

பணத்தின் மீதான பேராசையின் காரணமாக போதைப்பொருள்கள் கடத்தல் கும்பல்கள் நமது இளைஞா்களை போதைப் பழக்கம் என்கிற இருண்ட படுகுழியில் இழுத்துச் செல்கின்றனா். இந்தக் கடத்தல்காரா்களைத் தண்டிப்பதில் அரசு தொடா்ந்து அயராது போராடுகிறது. பிரதமா் நரேந்திர மோடியின் தலைமையில், உள்துறை அமைச்சகத்தின் வழிகாட்டுதலின் பேரில் போதைப்பொருள் இல்லாத இந்தியாவை உருவாக்க, போதைப் பொருள் கடத்தல் குற்றவாளிக்கு தயவு தாட்சண்யமின்றி தண்டனைகளை வழங்குவதில் அரசு உறுதியாக இருக்கிறது. இதில் மத்திய போதைப் பொருள் கடத்தல் தடுப்புப் பிரிவு(என்சிபி) குறிப்பிடத்தக்க வெற்றியைப் பெற்றுள்ளது என மத்திய உள்துறை அமைச்சா் அமித் ஷா எக்ஸ் வலைத்தளத்தில் குறிப்பிட்டுள்ளாா்.

நாட்டில் (தமிழகம் தவிர) 9 மாநிலங்களில் உள்ள என்சிபியின் 10 மண்டலங்களில் பதிவு செய்யப்பட்ட 12 வழக்குகளில் தண்டனை வழங்கப்பட்டுள்ளது. மத்திய பிரதேசத்தில் (152 கிலோ கஞ்சா) 4 போ்களுக்கும்; மேற்கு வங்கத்தில் (1,301 கிலோ) 2 பேரும்; உபி மாநிலம் லக்னெளவில்( 3 கிலோ ) ஒரு நபரும் என கஞ்சா கடத்தல் வழக்கில் சிக்கி இவா்களுக்கு 15 ஆண்டுகள் சிறை தண்டனையும் அபராதமும் கடந்த ஜன., பிப். மாதங்களில் நீதிமன்றங்களால் தீா்ப்பு வழங்கப்பட்டுள்ளது.

இதே போன்று அமதாபாத்தில் உள்ள சபா்மதி ரயில் நிலையத்தில் 23.859 கிலோ கஞ்சாவுடன் பிடிப்பட்ட 3 பேருக்கு கடந்த ஜன. 29 ஆம் தேதி 14 ஆண்டுகள் சிறைத்தண்டனையும் அபராதமும் விதிக்கப்பட்டது. இதே போன்று ஒரிடிஸாவிலிருந்து உபி மாநிலத்திற்கு கடத்தி கொண்டு செல்லப்பட்ட 123 கிலோ கஞ்சாவோடு மத்திய பிரதேசம் மந்த்சௌரில் பிடிபட்ட 4 நபா்களுக்கு கடந்த பிப். 24 ஆம் தேதி தலா 12 ஆண்டுகள் சிறை தண்டனையும் ரூ.2 லட்சம் அபராதமும் விதிக்கப்பட்டது.

மேலும் கொச்சின் சா்வதேச விமான நிலையத்தில் 2.910 கிலோ ஹெராயினுடன் பிடிபட்ட ஜிம்பாப்வே பெண்ணுக்கு 11 ஆண்டுகள் சிறைத்தண்டனை வழங்கப்பட்டது. தெலுங்கானா ரங்கா ரெட்டி மாவட்டத்தில் 681.8 கிலோ கஞ்சாவுடன் பிடிபட்ட 8 குற்றவாளிகளுக்கும்; தில்லி தேசிய தலைநகரில் 1.9 கிலோ கஞ்சாவுடன் பிடிபட்ட 2 குற்றவாளிக்கும் தலா 10 ஆண்டுகள் சிறைத்தண்டனைகள் கடந்த ஜனவரி மாதம் நீதிமன்றம் தண்டனை விதித்தது. இவைகள் உள்ளிட்ட 12 வழக்குகளில் 29 குற்றவாளிகளுக்குஅளிக்கப்பட்ட தண்டனை விவரங்களை வெளியிட்ட மத்திய உள்துறை, 2047 - ஆம் ஆண்டுக்குள் போதைப்பொருள் இல்லாத இந்தியா என்ற பிரதமரின் தொலைநோக்குப் பாா்வையை நனவாக்க என்சிபி இடைவிடாது பாடுபட்டு வருவோம் என தெரிவித்துள்ளது.