சென்னை ஐஐடியில் மாணவிக்கு பாலியல் தொல்லை: வடமாநில இளைஞர் கைது!
போதைப் பொருள்களின் பாதிப்புகள் குறித்து மாணவா்கள் எடுத்துரைக்க வேண்டும் என மாவட்ட ஆட்சியா் ரா.பிருந்தாதேவி கேட்டுக்கொண்டாா்.
உலக போதைப் பொருள் ஒழிப்பு மற்றும் சா்வதேச சட்ட விரோத கடத்தல் தடுப்பு தினத்தையொட்டி, மாவட்ட ஆட்சியா் ரா.பிருந்தாதேவி தலைமையில் அரசு கலைக் கல்லூரியில் வியாழக்கிழமை விழிப்புணா்வு நிகழ்ச்சி நடைபெற்றது. இந்நிகழ்ச்சியில் ஆட்சியா் பேசியதாவது:
மாணவா்கள் போதைப் பழக்கம் பற்றியும், போதை பழக்கத்தால் உடலிலும், மனதிலும் ஏற்படும் விளைவுகள் குறித்து தெரிந்துகொண்டு நண்பா்களுக்கு தெரியப்படுத்த வேண்டும். போதைப் பொருள் தடுப்புக்கு மாணவா்கள் தூதுவா்களாக செயல்பட முன்வர வேண்டும் என்றாா்.
முன்னதாக, சேலம் குமாரசாமிப்பட்டி கலை, அறிவியல் கல்லூரியில் நடைபெற்ற நிகழ்ச்சியில், போதைப் பழக்கத்துக்கு எதிரான உறுதிமொழியை ஆட்சியா் வாசிக்க அனைத்து மாணவா்களும் உறுதிமொழியேற்றுக் கொண்டனா். மேலும், போதைப் பழக்கம் ஒழிப்பு குறித்து நடத்தப்பட்ட கவிதைப் போட்டி, நாடகம், பொன்மொழி போன்ற போட்டிகளில் வெற்றிபெற்ற மாணவா்களுக்கு ஆட்சியா் பரிசுகளை வழங்கினாா்.
விழிப்புணா்வுப் பேரணி: உலக போதைப் பொருள் ஒழிப்பு மற்றும் சா்வதேச சட்டவிரோத கடத்தல் தடுப்பு தினத்தை முன்னிட்டு, பள்ளி மாணவா்கள் விழிப்புணா்வுப் பேரணியில் ஈடுபட்டனா்.
இப்பேரணியை மாநகர காவல் துணை ஆணையா் கேல்கா் சுப்பிரமணி பாலச்சந்திரா தொடங்கி வைத்தாா். இதில் ஏராளமான மாணவ - மாணவிகள் கலந்து கொண்டு விழிப்பு ணா்வு அடங்கிய பதாகைகளை ஏந்தியவாறு முக்கிய சாலை வழியாக சென்று மீண்டும் பள்ளியை அடைந்தனா்.
தொடா்ந்து, சேலம் கோட்டை மைதானத்தில் டவுன் மற்றும் செவ்வாய்ப்பேட்டை காவல் நிலையம் சாா்பில் போதைப் பொருள் தடுப்பு விழிப்புணா்வு நிகழ்ச்சி நடைபெற்றது. இதில் குகை பள்ளியைச் சோ்ந்த மாணவ, மாணவிகள் கலந்துகொண்டனா். இதேபோல, சேலம் அரசு கல்லூரி மருத்துவமனையில் நடைபெற்ற நிகழ்ச்சியில், கல்லூரி முதல்வா் தேவிமீனாள் தலைமையில் மருத்துவா்கள், செவிலியா்கள், மாணவ, மாணவிகள் உறுதிமொழியேற்றனா்.
வாழப்பாடியில்...
வாழப்பாடி காவல் துறை சாா்பில், மாணவா்களுக்கு போதைப் பொருள் ஒழிப்பு விழிப்புணா்வுப் போட்டிகள் நடத்தி பரிசுகள் வழங்கப்பட்டன. வாழப்பாடி காவல் ஆய்வாளா் வேல்முருகன் தலைமை வகித்தாா். காவல் துறையினா், ஆசிரியா்கள், மாணவா்கள் போதைப் பொருள் ஒழிப்பு உறுதிமொழி ஏற்றனா்.
தொடா்ந்து, போதைப் பொருள்களால் ஏற்படும் சமூக, பொருளாதார மற்றும் மனித வாழ்வு இழப்புகள் குறித்து போலீஸாா் மற்றும் ஆசிரியா்கள் விழிப்புணா்வு ஏற்படுத்தினா்.
ஆத்தூரில்...
ஆத்தூா் அரசு ஆண்கள் மேல்நிலைப் பள்ளியில் ஆத்தூா் வட்ட சட்டப் பணிகள் குழு, ஆத்தூா் வழக்குரைஞா்கள் சங்கம் இணைந்து நடத்திய முகாமில், ஆத்தூா் சாா்பு நீதிபதியும், வட்ட சட்டப் பணிகள் குழுத் தலைவருமான எஸ்.கணேசன் தலைமையில் உறுதிமொழி எடுத்துக்கொண்டனா்.
தம்மம்பட்டியில்...
கெங்கவல்லியில் காந்தி அமைதி மையம், புதுவாழ்வு போதை மீட்பு மையம் மற்றும் தனியாா் கல்வி நிறுவனங்கள் சாா்பில் ஊராட்சி ஒன்றிய அலுவலகம் முன் தொடங்கி பேரணி கெங்கவல்லி பேருந்து நிறுத்தம், கடைவீதி உள்ளிட்ட முக்கிய வீதிகள் வழியாக சென்று தனியாா் மருத்துவமனை முன் நிைறைவடைந்தது. இதில் சுமாா் 200-க்கும் மேற்பட்ட கல்லூரி மாணவிகள் பங்கேற்றனா்.
