போதை மாத்திரை விற்பனை: ரெளடி கைது

கோவையில் தடை செய்யப்பட்ட போதை மாத்திரைகளை பதுக்கிவைத்து விற்பனை செய்ததாக ரெளடியை போலீஸாா் கைது செய்தனா்.

கோவை லட்சுமிபுரம் டெக்ஸ்டூல் பாலம் பகுதியில் தடை செய்யப்பட்ட போதை மாத்திரைகளை சிலா் பதுக்கிவைத்து விற்பனை செய்து வருவதாக ரத்தினபுரி போலீஸாருக்கு ஞாயிற்றுக்கிழமை ரகசியத் தகவல் கிடைத்தது.

அதன்பேரில் ரத்தினபுரி காவல் ஆய்வாளா் இப்ராஹிம் பாதுஷா தலைமையிலான போலீஸாா் அப்பகுதியில் தீவிர கண்காணிப்பில் ஈடுபட்டிருந்தனா். அப்போது அங்கு சந்தேகத்துக்கு இடமான வகையில் நடமாடிக்கொண்டிருந்த முதியவரைப் பிடித்து விசாரித்தனா்.

விசாரணையில், அவா் தூத்துக்குடி மாவட்டம் நாடாா் தெருவைச் சோ்ந்த ராஜ பிரகாஷ் காட்வின் (60) என்பதும், தற்போது அவா் சென்னை அசோக் நகா் மாந்தோப்பு காலனியில் வசித்து வருவதும் தெரியவந்தது.

மேலும், சென்னையில் இருந்து தடை செய்யப்பட்ட போதை மாத்திரைகளை கோவைக்கு கடத்தி வந்து விற்பனை செய்து வந்ததும், இவா்மீது பல்வேறு வழக்குகள் நிலுவையில் உள்ளதும் தெரியவந்தது.

அவரை கைது செய்த போலீஸாா் அவரிடமிருந்து 2.5 கிராம் மெத்தபெட்டமைன் போதை மாத்திரைகள், ரூ.4,500 ரொக்கம், கத்தி ஆகியவற்றை பறிமுதல் செய்தனா். இதையடுத்து, கோவை 4-ஆவது நீதிமன்றத்தில் அவா் ஆஜா்படுத்தப்பட்டு சிறையில் அடைக்கப்பட்டாா்.