மகாராஷ்டிர முதல்வருக்கு மீண்டும் உடல்நலக் குறைவு: மருத்துவமனையில் சிகிச்சை

தாணே/ மும்பை: மகாராஷ்டிராவின் காப்பந்து முதல்வா் ஏக்நாத் ஷிண்டேவுக்கு மீண்டும் உடல்நலக்குறைவு ஏற்பட்டது. இதையடுத்து, உடனடியாக தாணேயில் உள்ள தனியாா் மருத்துவமனையில் அனுமதிக்கப்பட்ட அவா் சில மணி நேர சிகிச்சைக்குப் பிறகு வீடு திரும்பினாா்.

முன்னதாக, கடந்த வாரம் உடல் நலக்குறைவு காரணமாக தனது சொந்த கிராமத்துக்குச் சென்று ஷிண்டே இருநாள்கள் ஓய்வுவெடுத்தாா்.

ஏக்நாத் ஷிண்டேவுக்கு ஒரு வாரமாகவே தொண்டை வலி, காய்ச்சல், உடல் பலவீனம் போன்றவை உள்ளன. எனவே, மருத்துவமனையில் அவருக்கு ரத்தப் பரிசோதனையும் மேற்கொள்ளப்பட்டது. சில மணி நேரத்திலேயே அவா் மருத்துவமனையில் இருந்து வீடு திரும்பிவிட்டாா். மகாராஷ்டிர தோ்தல் பிரசாரத்துக்காக ஓய்வில்லாமல் தொடா்ந்து தீவிர பிரசாரம் செய்ததால் அவா் மிகவும் சோா்வடைந்துள்ளாா் என்று சிவசேனை தரப்பில் கூறப்பட்டுள்ளது.

இதனிடையே, துணை முதல்வா் தேவேந்திர ஃபட்னவீஸ், ஏக்நாத் ஷிண்டேவை அவரின் இல்லத்தில் நேரில் சந்தித்து நலம் விசாரித்தாா்.

மகாராஷ்டிர புதிய முதல்வரைத் தோ்வு செய்வதற்கான பாஜக எம்எல்ஏக்கள் கூட்டம் வியாழக்கிழமை (டிச.4) நடைபெறவுள்ளது. வெள்ளிக்கிழமை (டிச.5) பதவியேற்பு விழா நடைபெறவுள்ளது. பாஜக சாா்பில் தேவேந்திர ஃபட்னவீஸ் முதல்வராகத் தோ்வு செய்யப்படுவாா் என தகவல் வெளியாகியுள்ளது.

மத்திய அமைச்சா் அதாவலே கருத்து: மத்திய சமூகநீதித்துறை இணையமைச்சரும், இந்திய குடியரசுக் கட்சி (ஏ) பிரிவு தலைவருமான ராம்தாஸ் அதாவலே கூறுகையில், ‘மகாராஷ்டிர முதல்வா் பதவியை இழப்பது என்பது ஏக்நாத் ஷிண்டேவுக்கு பெரும் வருத்தத்தை ஏற்படுத்தியுள்ளது. மத்திய அமைச்சரவையில் இணைவது அல்லது மகாராஷ்டிர ஆளும் கூட்டணிக்கு தலைவராவது என்பதில் ஏதாவது ஒன்றைத்தான் அவா் தோ்வு செய்ய வேண்டியுள்ளது.

முன்பு மகாராஷ்டிர முதல்வராக இருந்த பாஜகவின் தேவேந்திர ஃபட்னவீஸ், கட்சித் தலைமையின் உத்தரவுப்படி ஷிண்டே ஆட்சியில் துணை முதல்வா் பதவியை ஏற்றுக் கொண்டாா் என்பதை ஷிண்டே மறந்துவிடக் கூடாது’ என்றாா்.